1 यूहन्ना 2:1 - सादरी नवाँ नियम

¹ हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 2:1 Iomraidhean Croise

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

यूहन्ना 10:15

एहे लेखे मोंय अपन भेड़ीमन के जानोना आउर मोर भेड़ीमन मोके जानैना, आउर मोंय अपन भेड़ीमन लगिन अपन जीउ के बलिदान काइर देवोना।

यूहन्ना 13:33

हे मोर दुलारामन, मोंय आउर थोरेक देरी तोहर संगे अहों। तोहरेमन मोके खोजबा आउर जइसन मोंय यहूदी धरम केर अगुवामन के कइह हों, तइसनेहें तोहरेमन से हों कहाथों कि जहाँ मोंय जाथों, हूवाँ तोहरेमन आवेक नी पारबा।

यूहन्ना 14:16

मोंय आबा परमेश्‍वर से प्रार्थना करमूँ कि उ तोहर मदइत करेक लगिन एगो दूसरा मदइत करेक वाला के भेजोक, जे सोउब बेरा तोहर संगे रही।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 21:5

तब यीशु उमन से कहलक, “हे छउवामन, का तोहरेमन ठिना कोनों खाएक ले अहे?” उमन जबाब देलैं, “कोनों नखे।”

यूहन्ना 5:14

थोरेक देरी केर पाछे यीशु के उ यहूदी मनक मंदिर केर अंगना में मिललक, तब यीशु उकर से कहलक, “देख, तोंय तो ठीक होई जाहिस। फिन पाप ना करबे, कहीं एइसन ना होवोक कि इकरो से आउर भारी बिपाइत तोर उपरे आय जाई।”

यूहन्ना 5:36

मगर मोर ठिना जे गवाही अहे, उ यूहन्ना केर गवाही से हों महान अहे। उ काम जेके आबा परमेश्‍वर मोके पूरा करेक लगिन देई हे, ओहे काम मोंय कराथों, आउर ओहे काम मोर बारे में इ गवाही देवेला कि आबा परमेश्‍वर मोके भेइज हे।

यूहन्ना 6:27

नाश होवेक वाला भोजन लगिन मेहनइत ना करा, मगर उ भोजन लगिन मेहनइत करा, जे जुग-जुग केर जिंदगी तक बनल रहेला, जेके मोंय आदमी केर बेटा तोहरेमन के देमूँ, काले कि मोके आबा परमेश्‍वर एइसन करेक केर अधिकार देई हे।”

यूहन्ना 8:11

उ जबाब देलक, “हे प्रभु, केऊ सजा नी देलैं।” यीशु कहलक, “मोंय हों तोके सजा नी देमूँ। जा, अब से फिन तोंय पाप ना करबे।”

खास चेलामन केर काम 7:52

परमेश्‍वर केर संदेश के बताएक वालामन में से केके तोहर बाप दादामन नी सतालैं? उमन उ परमेश्‍वर केर संदेश के बताएक वालामन के माइर मोरालैं, जेमन धरमी आदमी मतलब मसीह केर आवेक केर भविष्यवाणी काइर रहैं आउर अब तोहरे हों जब यीशु आलक तो उके धरुवाय के मरुवाय देला।

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

रोमानियनमन 6:15

इ लगिन कि हमरे मूसा केर नियम केर अधीन निहीं बल्कि परमेश्‍वर केर किरपा केर अधीन अही हमरे के पाप बिलकुल करेक नखे।

रोमानियनमन 8:34

आउर केऊ हमरे के दंड देवेक नी पारी, काले कि यीशु मसीह हमर लगिन मोरलक आउर फिन मोरलमन में से जी उइठ के परमेश्‍वर केर भतखाइया आरा बाइठ हे, आउर हमर लगिन प्रार्थना हों कराथे।

1 कुरिनथियनमन 15:34

होस में आवा, अच्छा जिंदगी के अपनावा, जइसन कि तोहरे के होवेक चाही। पाप करेक छोइड़ देवा, काले कि तोहर में से थोरेक आदमीमन एइसन अहैं, जेमन परमेश्‍वर केर बारे में कोनों नी जानैना। एइसन मोंय इ लगिन कहाथों ताकि तोहरेमन के लाज होवोक।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

गलातियनमन 4:19

हे मोर दुलार छउवामन, जइसन जनानामन छउवा के जनम देवेक बेरा बथा के सहैना, तइसनेहें जब तक तोहरे मसीह नियर नी बाइन जबा, तब तक फिन एक बेर मोंय तोहरे लगिन मेहनइत काइर के बथा के सहाथों।

इफिसियनमन 2:18

काले कि मसीह केर चलते हमरे सोउब एक हें आत्मा से आबा परमेश्‍वर ठिना पोंहचेक पारिला।

इफिसियनमन 4:26

अगर तोहरेमन खिसाय जबा तो अपन खीस के पाप करेक ले आगे बढ़ेक ना देबा, मगर राइत के डिसना में जाएक से पहिले तोहर खीस के मेटाय देबा।

1 तीमुथियुस 2:5

काले कि सिरिफ एके गो परमेश्‍वर अहे, आउर परमेश्‍वर आउर आदमीमन केर माझे हों एके गो आदमी अहे, मतलब यीशु मसीह, जे आदमीमन के परमेश्‍वर से मिलाएक पारेला।

1 तीमुथियुस 3:14

मोंय तोर ठिना जल्दी आवेक केर आसरा करते हुए हों इ गोइठमन के तोके इ लगिन लिखाथों

इब्रानीमन 9:24

काले कि मसीह आदमी केर बनाल पवितर ठाँव में नी ढूकलक, जे सिरिफ सच्चा पवितर ठाँव केर नमूना हेके, मगर उ हमरे केर फायदा लगिन स्वरग में हें ढूकलक, ताकि हमर लगिन अब परमेश्‍वर केर सामने ठड़ाओक।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।

याकूब 3:9

एहे जीभ से हमरे प्रभु आउर आबा परमेश्‍वर केर स्तुति करिला आउर इकरे से आदमीमन के जेमन परमेश्‍वर केर रूप में सिरजाल जाय हैं सराप देवीला।

1 पतरस 2:22

उ कहियो पाप नी करलक, आउर ना उ कहियो एको बेर अपन मुँह से झूठ बोललक।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 3:18

हे दुलार छउवामन, हमरेमन बचन आउर गोइठमन से हें निहीं, मगर काममन आउर सच्चाई से हों प्रेम करब।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 3:7

हे दुलार छउवामन, केकरो बहकाल में ना आबा। जे धरम केर काम करेला ओहे मसीह नियर धरमी हेके।

1 यूहन्ना 4:4

हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

1 यूहन्ना 5:17

सोउब रकम केर अधरम तो पाप हेके मगर एइसन हों पाप अहे, जेकर नतीजा मौत ना लगे।

1 यूहन्ना 5:21

हे छउवामन खुद के मूर्तिमन से बचाय के रखबा।

3 यूहन्ना 1:4

मोके आउर कोनों गोइठ से एतना खुशी नी होतक जेतना इ सुइन के कि मोर छउवामन सच्चाई केर डहर में चलैना।