1 यूहन्ना 1:9 - सादरी नवाँ नियम

⁹ अगर हमरे अपन पापमन के माइन लेवब, तो उ हमर पापमन के क्षमा करेक, आउर हमरे के सोउब अधरम से शुद्ध करेक में बिसवास लाएक आउर धरमी हेके।

1 यूहन्ना 1:9 Iomraidhean Croise

मत्ती 3:6

आउर अपन-अपन पापमन के माइन के यरदन नदी में उकर से बपतिस्मा जल संस्कार लेलैं।

मरकुस 1:5

यहूदिया परदेस केर कायनों गाँव से, आउर यरुशलेम शहर से ढेइर आदमीमन निकइल के यूहन्ना केर उपदेस सुनेक लगिन उकर ठिना आलैं, आउर सुइन के अपन पापमन के मानलैं। तब यूहन्ना उमन के यरदन नदी में बपतिस्मा जल संस्कार देलक।

लूका 22:57

मगर पतरस मुकइर के कहलक, “हे बहिन, मोंय उ आदमी के नी जानोना।”

यूहन्ना 17:25

हे धरमी आबा परमेश्‍वर, दुनिया केर आदमीमन तोके नी जानलैं, मगर मोंय तोके जानलों, आउर मोर चेलामन हों जानलैं कि तोंय हें मोके भेइज हिस।

खास चेलामन केर काम 19:18

आउर जेमन बिसवास काइर रहैं, उमन में से ढेइर आदमीमन सोउब केर सामने अपन-अपन बुरा काममन के माइन लेलैं।

1 कुरिनथियनमन 1:9

परमेश्‍वर सच्चा अहे, जे तोहरेमन के अपन बेटा हमर प्रभु यीशु मसीह केर संगति में बोलाय हे।

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

इफिसियनमन 5:26

ताकि उ बिसवासीमन के पाप से शुद्ध काइर के, जे शुभ समाचार बचन से होवेला, आउर चिन्हा केर रूप में उमन के पानी में नहाएक से पवितर बनाओक।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 10:23

अब आवा हमरे जे आसरा केर बारे में कबूल काइर ही, उके बेगर शंका करले पोक्ता से धाइर रहब, काले कि परमेश्‍वर जे करार काइर हे उके पूरा करेक लगिन सच्चा अहे।

इब्रानीमन 11:11

बिसवास से सारा खुद बुढ़िया होई के हों गर्भवती होवेक केर शक्ति पालक, काले कि उके पक्का भरसा रहे कि परमेश्‍वर जे करार काइर हे उके पूरा करी।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।