1 यूहन्ना 1:8 - सादरी नवाँ नियम

⁸ अगर हमरे कहब, कि हमर में कोनोवें पाप नखे, तो खुद के धोखा देवीला आउर हमर में सच्चाई नखे।

1 यूहन्ना 1:8 Iomraidhean Croise

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

रोमानियनमन 3:10

जइसन कि पवितर किताब में लिखल अहे, “केऊ परमेश्‍वर केर देखेक में धरमी नखे, एक झन हों निहीं।

रोमानियनमन 3:23

इ लगिन कि सोउब पाप काइर हैं आउर परमेश्‍वर केर महिमा से दूर अहैं।

1 कुरिनथियनमन 3:18

खुद के धोखा ना देवा, अगर तोहर में से केऊ इ दुनिया केर आदमीमन केर देखेक में खुद के गेयानी समझेला, तो उके खुद इ दुनिया केर आदमीमन केर देखेक में मूरख बनेक चाही, ताकि उ परमेश्‍वर केर देखेक में सचमुच गेयानी बनेक पारी।

गलातियनमन 6:3

अगर केऊ अपने के समझेला कि मोंय खास आदमी हेकों, जबकि उ खास आदमी ना लगे, तो खुद के उ धोखा देवाथे।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

2 तीमुथियुस 3:13

मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

याकूब 1:22

मगर बचन में चलेक वाला बना, आउर सिरिफ सुनेक वाला भइर निहीं जे खुद के धोखा देवेला।

याकूब 1:26

अगर केऊ खुद के परमेश्‍वर केर भक्त समझेला, आउर अपन जीभ के बुरा गोइठ गोठियाएक से नी रोकेला, तो उ खुद के धोखा देवेला आउर उकर भक्ति बेकार अहे।

याकूब 3:2

हमरेमन से कायनों बेर गलती होई जायला। मगर जे केऊ बोलेक में गलती नी करेला ओहे सिद्ध आदमी हेके आउर उ खुद के पूरा काबू करेक पारेला।

2 पतरस 2:13

उमन केर नाश होवेक उ नोकसान के फार हेके, जे उमन काइर हैं, उमन के दिन केर इंजोत में बुरा भोग-बिलास में पड़ल रहेक बेस लगेला। उमन तोहर माझे एगो दाग आउर धब्बा नियर अहैं, जे हर बेर तोहर लगिन बुरा रीति से मुँह के लुकाएक केर कारण बनैना, जब उमन तोहर संगे खाएक बइठैना।

1 यूहन्ना 1:10

अगर हमरे कहब कि पाप नी काइर ही, तो हमरे परमेश्‍वर के झूठा ठहराइला, आउर उकर बचन हमरे में नखे।

1 यूहन्ना 1:6

अगर हमरे कहब कि परमेश्‍वर केर संगे हमरे मिलल अही, आउर फिन बुरा काम करब तो हमरे झूठा हेकी आउर सच्चाई में नी चलिला।

1 यूहन्ना 2:4

जे केऊ कहेला, “मोंय परमेश्‍वर के जानोना,” आउर उकर आगयामन के नी मानेला, तो उ झूठा हेके आउर परमेश्‍वर केर सच्चाई उकर में नखे।

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।

2 यूहन्ना 1:2

हमरेमन तोहरेमन से उ सच्चाई केर चलते प्रेम करिला जे हमरे केर भीतरे रहेला आउर सोउब बेरा हमर संगे बनल रही।

3 यूहन्ना 1:3

काले कि जब थोरेक बिसवासी भाईमन आय के हमरेमन के बतालैं कि तोंय परमेश्‍वर केर डहर में सच्चाई से चलिसला, तो मोंय ढेइर हें खुश होलों।