1 यूहन्ना 1:7 - सादरी नवाँ नियम

⁷ मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 1:7 Iomraidhean Croise

मत्ती 6:12

आउर हमरे केर पापमन के क्षमा कर, जइसन हमरे हों जेमन हमर बिरोध में पाप काइर हैं उमन के क्षमा काइर ही।

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 12:35

यीशु उमन से कहलक, “इंजोत अब थोरे हें देरी तोहर माझे रही, जब तक इंजोत तोहर संगे अहे तोहरेमन आगे बढ़ते रहा कहीं एइसन ना होवोक कि अंधार आय के तोहरेमन के घेइर लेवी, जे अंधार में हिंठेला उ नी जानेला कि उ कोन बटे जाथे।

यूहन्ना 5:4

काले कि बेरा-बेरा में परमेश्‍वर केर स्वरगदूत हाउदा में उतइर के पानी के हिलात रहे। पानी केर हिलते हें जे केऊ पानी में आगे उतरत रहे उ आदमी ठीक होई जात रहे चाहे उकर कोनों बेमारी रहोक।

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 5:8

तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

1 तीमुथियुस 6:16

सिरिफ ओहे एकला अहे जे सोउब दिन लगिन जिंदा अहे, उ एतना चमकदार इंजोत में रहेला कि केऊ हों उकर भीरे पोंहचेक नी पारी, उके ना तो केऊ आदमी देइख हे आउर ना कहियो देखेक पारी। उके आदर मिलोक आउर उकर शक्ति जुग-जुग रहोक। आमीन।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

याकूब 1:17

काले कि हरेक बेस बरदान आउर हरेक बेस दान परमेश्‍वर केर बटे से हें मिलेला, जे आकाश में सूरज, चाँद, आउर तइरगनमन के बनाय हे। परमेश्‍वर हमेशा एक जइसन रहेला आउर उ छाँई नियर नी बदलेला।

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

1 यूहन्ना 1:5

जे शुभ समाचार हमरे उकर से सुनली, आउर तोहरेमन के सुनाइला, उ इ हेके: कि परमेश्‍वर इंजोत हेके आउर उकर में कोनोवें अंधार नखे।

1 यूहन्ना 5:6

उ यीशु मसीह हें हेके जेके परमेश्‍वर इ दुनिया में भेजलक आउर उ पानी से बपतिस्मा जल संस्कार लेलक आउर फिन जब उकर मौत होलक, तो उकर लोहू बहाल गेलक। सिरिफ उ बपतिस्मा जल संस्कार लेवेक लगिन हें निहीं मगर क्रूस उपरे अपन लोहू बहाय के मोरेक लगिन हों आलक आउर जे यीशु केर बारे में गवाही देवेला उ पवितर आत्मा हेके।

1 यूहन्ना 5:8

आउर गवाही देवेक वालामन तीन अहैं, पवितर आत्मा, पानी आउर लोहू आउर तीनों एक हें गोइठ में सहमत अहैं।

2 यूहन्ना 1:4

मोंय इ सुइन के ढेइर खुशी होलों कि तोर थोरेक छउवामन सच्चाई केर डहर में चलाथैं, जइसन कि हमरेमन के आबा परमेश्‍वर बटले आगया मिल हे।

3 यूहन्ना 1:4

मोके आउर कोनों गोइठ से एतना खुशी नी होतक जेतना इ सुइन के कि मोर छउवामन सच्चाई केर डहर में चलैना।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।