1 यूहन्ना 1:2 - सादरी नवाँ नियम

² इ आदमी जे जिंदगी देवेला, धरती में आलक आउर हमरे उके देखली आउर उकर गवाही देवीला आउर तोहरेमन के उ जुग-जुग केर जिंदगी केर बारे में बताइला, जे आबा परमेश्‍वर केर संगे रहे आउर हमर उपरे दिस्तार होलक।

1 यूहन्ना 1:2 Iomraidhean Croise

यूहन्ना 1:18

परमेश्‍वर के केऊ कहियो नी देइख हैं मगर एकलौता बेटा जे खुद परमेश्‍वर हेके, जे आबा केर कोरा में अहे, ओहे उके हमर उपरे दिस्तार काइर हे।

यूहन्ना 1:4

बचन जिंदगी केर सोता हेके आउर ओहे सोउब आदमीमन के इंजोत देवेक वाला हेके।

यूहन्ना 10:28

मोंय उमन के जुग-जुग केर जिंदगी देवोना। उमन कहियो नी मोरबैं आउर उमन के मोर से केऊ लुटेक नी पारी।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 15:27

आउर तोहरेमन दुनिया केर आदमीमन के मोर बारे में बताबा, काले कि तोहरेमन शुरु से मोर संगे अहा।”

यूहन्ना 16:28

मोंय आबा परमेश्‍वर केर बटे से इ दुनिया में आय हों। आउर अब मोंय फिन इ दुनिया के छोइड़ के आबा परमेश्‍वर ठिना जाथों।”

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 17:5

आउर अब, हे आबा परमेश्‍वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।

यूहन्ना 19:35

जे आदमी इ सोउब घटना के देखलक, ओहे इकर गवाही देई हे, ताकि तोहरेमन हों यीशु केर उपरे बिसवास करेक पारबा। आउर उकर गवाही सच हेके, आउर उ जानेला कि उ सच कहाथे।

यूहन्ना 21:14

इ लेखे मोरलमन में से जी उठेक केर पाछे यीशु तीसरा बेर चेलामन के देखाई देलक।

यूहन्ना 3:13

केऊ आदमी स्वरग में नी जाय हें, मगर सिरिफ मोंय आदमी केर बेटा स्वरग से धरती में आय हों।

यूहन्ना 7:29

मगर मोंय उके जानोना, काले कि मोंय उकर ठिना से आय हों, आउर ओहे मोके भेइज हे।”

यूहन्ना 8:38

मोंय अपन आबा परमेश्‍वर केर हिंयाँ जे कुछ देइख हों उखे तोहरेमन के बतावना आउर तोहरेमन अपन आबा से जे कुछ सुइन हा, उखे कराला।”

खास चेलामन केर काम 1:22

मतलब यीशु मसीह के यूहन्ना से बपतिस्मा जल संस्कार लेवेक से लेई के, उके स्वरग में उठाय लेवल जाएक तक इ आदमी हमरे केर संगे प्रभु यीशु केर जी उठेक केर गवाह बनोक।”

खास चेलामन केर काम 10:41

सोउब आदमीमन उके नी देखलैं मगर उ गवाहमन देखलैं, जेमन के परमेश्‍वर आगे हें से चुइन लेई रहे, आउर उ गवाहमन हमरे हेकी। मोरलमन में से फिन जी उठेक केर पाछे हमरे उकर संगे खाली-पिली।

खास चेलामन केर काम 2:32

परमेश्‍वर एहे यीशु के फिन से जियालक। हमरे सोउब इ गोइठ केर गवाह हेकी।

खास चेलामन केर काम 3:15

आउर तोहरे उके जे आदमीमन के जुग-जुग केर जिंदगी देवेला माइर मोराला, जेके परमेश्‍वर मुरदा में से फिन जियालक, आउर इ गोइठ केर हमरे गवाह हेकी।

खास चेलामन केर काम 5:32

आउर हमरे इ गोइठमन केर गवाह हेकी, आउर पवितर आत्मा हों गवाह हेके, जेके परमेश्‍वर उ आदमीमन के देई हे, जेमन उकर आगया के मानैना।”

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

1 पतरस 5:1

थोरेक गोइठमन एइसन अहे जेके मोंय तोहरे जेमन हूवाँ केर कलीसिया केर अगुवामन हेका कहेक चाहोना, काले कि मोंय हों तोहरे जइसन कलीसिया केर अगुवा हेकों। मोंय खुद उ दुःखमन के देइख हों जे ढेइर समय पहिले मसीह साइह रहे, तो मोंय हों उकर महिमा में भागीदार होमूँ, जब उ फिन से इ दुनिया में घूइर आवी। मोंय तोहरे से बिनती करोना कि

1 यूहन्ना 1:1

हमरे एगो एइसन आदमी केर बारे में लिखाथी, जे जिंदगी केर बचन हेके। उ दुनिया केर सिरजन से पहिले से रहे, जेकर बारे में हमरे सुनली, आउर अपन आँइख से देखली, बल्कि जेके हमरे धेयान से देखली आउर हाँथ से छुली।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

1 यूहन्ना 4:2

परमेश्‍वर केर आत्मा के तोहरेमन इ नियर चिन्हेक पारबा कि जे आत्मा इ माइन लेवेला कि यीशु मसीह काया में होई के आय हे, उ परमेश्‍वर बटले अहे।

1 यूहन्ना 5:11

आउर उ गवाही इ हेके कि परमेश्‍वर हमरेमन के जुग-जुग केर जिंदगी देई हे, इ जिंदगी उकर बेटा यीशु में अहे।

1 यूहन्ना 5:13

मोंय इ चिट्ठी तोहरेमन के इ लगिन लिखाथों कि तोहरेमन जे परमेश्‍वर केर बेटा यीशु मसीह केर नाँव में बिसवास कराला ठीक से जाना कि जुग-जुग केर जिंदगी तोहरे ठिना अहे।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।