1 यूहन्ना 1:10 - सादरी नवाँ नियम

¹⁰ अगर हमरे कहब कि पाप नी काइर ही, तो हमरे परमेश्‍वर के झूठा ठहराइला, आउर उकर बचन हमरे में नखे।

1 यूहन्ना 1:10 Iomraidhean Croise

यूहन्ना 3:33

जे आदमी उकर संदेश के माइन लेलक, उ इ गोइठ केर सबूत देई चुकलक कि परमेश्‍वर सच्चा हेके।

कुलुसियनमन 3:16

मसीह केर बचन के अपन मन में भरपूरी से बसेक देवा। आउर सिद्ध गेयान सहित एक दोसर के सिखाते आउर चेताते रहा। आउर अपन-अपन मन में धन्यबाद देते परमेश्‍वर लगिन आराधना आउर स्तुति गान आउर आत्मिक गीत गाते रहा।

1 यूहन्ना 1:8

अगर हमरे कहब, कि हमर में कोनोवें पाप नखे, तो खुद के धोखा देवीला आउर हमर में सच्चाई नखे।

1 यूहन्ना 2:14

हे आबामन, मोंय तोहरेमन के इ लगिन लिखाथों काले कि तोहरेमन मसीह के जानाला जे शुरु से अहे। हे जवानमन, मोंय तोहरेमन के इ लगिन लिखाथों कि तोहरेमन बलवान हेका आउर परमेश्‍वर केर बचन तोहर में बनल रहेला आउर तोहरेमन उ शैतान उपरे जय पाय हा जे सोउब बुराई केर कारण हेके।

1 यूहन्ना 2:4

जे केऊ कहेला, “मोंय परमेश्‍वर के जानोना,” आउर उकर आगयामन के नी मानेला, तो उ झूठा हेके आउर परमेश्‍वर केर सच्चाई उकर में नखे।

1 यूहन्ना 4:4

हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

1 यूहन्ना 5:10

जे परमेश्‍वर केर बेटा यीशु उपरे बिसवास करेला उ अपनेहें में गवाही रखेला। जे परमेश्‍वर केर उपरे बिसवास नी करलक, उ परमेश्‍वर के झूठा ठहरालक, काले कि उ परमेश्‍वर केर गवाही उपरे बिसवास नी करलक जेके परमेश्‍वर अपन बेटा केर बारे में देई हे।

2 यूहन्ना 1:2

हमरेमन तोहरेमन से उ सच्चाई केर चलते प्रेम करिला जे हमरे केर भीतरे रहेला आउर सोउब बेरा हमर संगे बनल रही।