1 यूहन्ना 1:1 - सादरी नवाँ नियम

¹ हमरे एगो एइसन आदमी केर बारे में लिखाथी, जे जिंदगी केर बचन हेके। उ दुनिया केर सिरजन से पहिले से रहे, जेकर बारे में हमरे सुनली, आउर अपन आँइख से देखली, बल्कि जेके हमरे धेयान से देखली आउर हाँथ से छुली।

1 यूहन्ना 1:1 Iomraidhean Croise

लूका 1:2

उमन ठीक ओहे लिखलैं, जेके उ आदमीमन बटले हमरे के बताल जाय रहे, जेमन यीशु केर सेवकाई के शुरुवात से देइख रहैं आउर पाछे बचन केर सेवक बाइन गेलैं।

लूका 24:39

मोर हाँथ आउर गोड़ के देखा, मोंय ओहे हेकों। मोके छुई के देखा, काले कि भूत केर हाड़-माँस नी होवेला जइसन मोर में देखाथा।”

यूहन्ना 19:35

जे आदमी इ सोउब घटना के देखलक, ओहे इकर गवाही देई हे, ताकि तोहरेमन हों यीशु केर उपरे बिसवास करेक पारबा। आउर उकर गवाही सच हेके, आउर उ जानेला कि उ सच कहाथे।

यूहन्ना 20:27

तब यीशु थोमा से कहलक, “अपन अंगुर से छुई के मोर हाँथ के देख आउर अपन हाँथ के मोर पंजरा में साज आउर शंका ना कर, मगर बिसवास कर कि मोंय जिंदा अहों।”

यूहन्ना 5:26

काले कि जे लेखे आबा परमेश्‍वर खुद में जिंदगी रखेला, ओहे लेखे उ मोके हों खुद में जिंदगी रखेक केर अधिकार देई हे,

यूहन्ना 8:58

यीशु उमन के जबाब देलक, “मोंय तोहरेमन से सच-सच कहाथों कि अब्राहम केर जनम लेवेक केर आगे से हें मोंय अहों।”

खास चेलामन केर काम 1:3

उ दुःख उठाएक आउर मोरेक केर पाछे ढेइर पक्का सबूतमन से खुद के उ मनक माझे जिंदा देखालक। आउर चालीस दिन तक उ चेलामन के देखाई देते रहलक, आउर परमेश्‍वर केर राइज केर बारे में बताते रहलक।

खास चेलामन केर काम 4:20

इ तो हमरे से नी होवी कि हमरे जेके देइख ही आउर सुइन ही, उकर बारे में हमरे आदमीमन के नी बताब।”

इब्रानीमन 2:3

अगर हमरेमन एइसन बड़का छुटकारा के ठुकराय देवब, तो हमरे कैसे बचेक पारब। इ छुटकारा केर हकवा सोउब से पहिले प्रभु यीशु करलक, आउर फिन जेमन प्रभु यीशु से सुनलैं, उमन उ मनक संदेश के हमरेमन लगिन सच्चा साबित करलैं।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

1 यूहन्ना 5:7

आउर पवितर आत्मा इ गवाही देवेला कि यीशु मसीह परमेश्‍वर केर बटले आलक काले कि पवितर आत्मा सोउब बेरा सच बोलेला।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:8

प्रभु परमेश्‍वर इ कहेला, “मोंय हें अलफा आउर ओमेगा हेकों। मोंय हें उ हेकों, जे रहे, आउर जे अहे, आउर जे आवेक वाला अहे, आउर सर्वशक्तिमान अहे।”

प्रकाशितवाक्य 19:13

उ एइसन लुगा पिंध रहे, जेके लोहू में डुबाल जाय रहे। उके नाँव देवल जाय रहे, “परमेश्‍वर केर बचन।”

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,