Zozoe 9:9 - LAWA A BOO SONBORE

⁹ Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,

LAWA A BOO SONBORE 2011

⁹ Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,

Zozoe 9:9 Iomraidhean Croise

Kiin1 8:41

Ta tii mɛn nə boe gána sɔsɔɔ nɛ, ǹ dɛnaa ná a ba n zaman Izirayeli minin kɛn goon lɛa wa, a giala tɔrɔ kɔsɔn tá re n tɔ gole kɛ miɛ̃, ka n sii dadaran kɛn nɛ, ń zɛnaa n zaman lɛ nɛ, bɛ̀ bɛa tii lɛ daa n nyankɔ kion kɛ nɛ,

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Loen 148:13

Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 78:12

Lɛlɛ, Lawa na á kaãbaa ǹ siin kɛn zɛnaa wɔ digolon yii ni, Ezipti gána nɛ, Soan bǎã kɛ li.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 15:14

Bɛ̀ tɔrɔ kɔsɔn nə́ kɛ ma, ǹ gɔ̀nɔn tá re bìn diɛ. Yɔrɔ-kɔsiɛ á re Filisiti gána minin kuĩ.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Minin nimi 14:15

Bɛ̀ ń yoo sisia, ń nə n zaman kɛ tumaa lɛ naa bǎã goon ne, tɔrɔn mɛnɛn nə n tɔ ma, bɛn man die pii kɛnɛn:

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Nya ǹ dín 8:7

Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya.

Timəə dí-pɛn 20:11

Bɛ̀ ǹ nə́ pɛ ka nɛ mà ǹsɛn nə́ lɛ kɔ, bɛ̀ ǹ nə́ ǹ kiwi lɛ lɛ bũ ka nɛ, zaman mɛn tumaa bɛ́ a nɛ, ka ǹ kaa pàã dí ganaa, ǹ dí nya ka nɛ.

Timəə dí-pɛn 20:15

Kiwin mɛnɛn wɔlɔ bɛ́ lui ni, ka bɛ́ re giɛ̃ gána mɛn nɛ ǹ nə́ ǹ bie bɛa kiwin lɛa wa, ka die ka zɛnaa bɛn lɛn man miɛ̃.

Zozoe 9:10

Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.

Zozoe 9:16

Sɛnɛ, lɛ kɔ kɔn la lɛ kio lɛawaa sɔɔ, Izirayeli minin lɛn nə́ ma, mà minin kɛn lɛn manə ǹsɛn miãkɛnɛn lɛa, mà maǹ giã nɛ ǹsɛn dinin bii.

Zozoe 9:17

Izirayeli minin lɛn nə́ zii saa. Ǹ lɛawaa sɔɔbaa ǹ wɔ pinaa, ǹ nə́ dɔ bɛa minin lɛn giã ǹ kiwin ni. Ǹ kiwin lɛn man ka Gabawɔ̃ nɛ, Kefiraa nɛ, ka Beerɔti laanka Kiriyati-Yarimu ni.

Zozoe 9:24

Ǹ nə́ tɔ́n Zozoe lɛ si ǹ nə́ pɛ nɛ: «Ǹ tá goɛ̃ bɛ̀ ǹ pɛ wɔsɛn man foaã nɛ mà Dɛnaa Lawa lɛ, n Lawa lɛa, mà bɛ na á goã á pɛ a dí-nyali Muizu ni, mà asɛ á re gána lɛ tumaa koe ka la, mà ka die ka gána lɛ a minin tumaa dɛ, ka ǹ bɔ ka nyɛɛnɛ. Bɛ lɛ na á nyɛ́ɛ gole da wɔsɛn ganaa. Bɛ lɛ na á toa wɔ́ zɛnaa kɛnɛn, wɔ́ ga wɔ dinin nyin li.