Zozoe 9:14 - LAWA A BOO SONBORE

¹⁴ Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

LAWA A BOO SONBORE 2011

¹⁴ Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

Zozoe 9:14 Iomraidhean Croise

Samayeli2 2:1

Bɛa siin lɛn kiɛ̃ kio, Davida nɔ̀n da Dɛnaa Lawa la: «Ma á boe la ma wo Zudaa kiwin lɛn goon ne?» Dɛnaa Lawa ná a lɛ si: «Woo.» Davida wusoo á nɔ̀n da la kɛnɛn: «Ma doamaa nɛ ma wo maa?» Dɛnaa Lawa ná a lɛ si: «Wo Ebrɔn.»

Samayeli2 5:19

Davida nɔ̀n da Dɛnaa Lawa la kɛnɛn: «Ma á boe la ma wo Filisiti minin lɛn gialaa? N tá re ǹ we ma gɔn?» Dɛnaa Lawa Davida lɛ si: «Hiĩ, woo, ma á re Filisiti minin lɛn we n gɔn.»

Ɛsidrasi 8:21

Bɛa bǎã lɛ nɛ, Aawaa tà lɛ genli, má lɛ dia, máa wɔ n lɛ sɔɔ, wɔ n dinin gisĩ wɔa Lawa lɛ yɔrɔ-a, màn mɛn bɛ́ toɛ, a zii fore wɔ nɛ, a fore wɔa nɛnyaanan laanka wɔ gɔn mànan dɔn nɛ.

Bɔ bɛ̀rɛbaa nɛ 28:30

Muizu, Lawa dùũ dɔ̃ ǹ mànan kɛn kaa tìãbii zéwo kɛ nɛ, ǹ goã Aarɔn foobii, n wɔ ǹ nɛ masɛ Dɛnaa yɔrɔ-a. Aarɔn nə die bɛa mànan kɛn lɛn guĩ a foobii, masɛ Dɛnaa yɔrɔ-a biikoo tumaa li, màn mɛn bɛ́ toɛ, a ma dùũ dɔ̃ Izirayeli nɛnyaanan wɔ paǹ li.

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zozoe 9:13

Duvɛ̃ bɔnaan kɛn, wɔ bɛ́ bɛn piɛ̃ ka duvɛ̃ nɛ, bɛ̀ ǹ diidiimaa nɛ. Bɛn nə́ ke ǹ nə́ tɔtoɛ̃. Zii lɛ a sasabaa a la yii-n taman yii, wɔa mɔnaan laanka wɔa kɔsɔnɔn nə́ ke ǹ nə́ ziziɛ̃.»

Sii yɔrɔ-bɔlen 1:1

Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Samayeli1 22:10

Akiimelɛki nɔ̀n da Dɛnaa Lawa la mà Davida doamaa nɛ a wàa sii zɛnaa. Akiimelɛki màn-bii kɔ la. Goliati lɛ Filisiti min lɛa, á bɛ dɔ a gɔya sa kɔ Davida la.»