Zozoe 9:10 - LAWA A BOO SONBORE

¹⁰ Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.

LAWA A BOO SONBORE 2011

¹⁰ Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.

Zozoe 9:10 Iomraidhean Croise

Siin Giala 14:5

A lɛ̀ fulusiibaa ǹ wɔ, Kedɔrlomɛɛrɛ laanka ǹ miã kiin mɛnɛn bɛ́ kun ni, ǹ nə́ daa kɔ Astaarɔti-Karnayimu kiwi lɛ, ǹ nə́ Refaa tɔrɔn dɛ walan. Bɛ kio, ǹ nə́ Zuzu tɔrɔn dɛ Hamu kiwi. Ǹ nə́ Emu tɔrɔn dɛ Kiriata a diə fúlu ni.

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Timəə dí-pɛn 1:4

Bɛ á zɛnɛɛ bɛ̀ Muizu boo Amɔɔrɔ tɔrɔn kii Sihɔn kɛ la, ǹ mɛn lɛ goã giã-n Ɛsibɔn kiwi. Basanan kii Ɔgu mɛn dɔ goã giã-n Astarɔti kiwi, á boo bɛ dɔ la Edreyii kiwi.

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Zozoe 12:4

Kii lɛ a goon ne ka Ɔgu ni, Basan kiwi. Refayimu tɔrɔn mɛnɛn nə goã, bɛn min goon ne. A na á goã gia-n Asitarɔti kiwi laanka Edreyii kiwi mìi la.

Zozoe 13:31

Galaati gána a talɛɛ dɔ́ goã a nɛ, ka Asitarɔti laanka Edreyii kiwi ni. Bɛa kiwin lɛn man nə́ goã Basan gána a kii Ɔgu wɔn lɛa lɛlɛ. Bɛa bǎã lɛ na á dɔ Makiiri a nɔ̀ɔn Manaasee tɔrɔn ganaa ǹ tanlɛ yii li.

Zozoe 2:10

A giala, ka bɛ́ soe Ezipti gána nɛ, Dɛnaa Lawa Sawɛɛ tà kɛa mu piɛ̃ á bɔ ka nyɛɛn lɔn, ka tɔ́n boo la ka kiɛ̃, wɔsɛn nə́ bɛa boo ma. Wɔ́ ma dɔn, mà Amɔɔrɔ tɔrɔn kii min paa ke Zurdɛ̃ tà kio, Sihɔn laanka Ɔgu ni, mà ka bɛn dɛ, ka ǹ gɔn màn tumaa ziziɛ̃ lenlen.

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Zozoe 9:11

Bɛ lɛ n ke, wɔa min golen laanka wɔa gána lɛ a minin tumaa boo da ka wɔ nɛ, ǹ nə́ pɛ mà wɔ màn-bii kɔn goa wɔ kaa wɔ lon zii tɔ we lɛ taman yii, wɔ da n da Izirayeli minin lɛn lɛ wɔ pɛ ǹ nɛ mà wɔsɛn manə ǹ dí-nyalin lɛa. Mà ǹ lɛ kɔ kɔn la wɔ ka wɔ nɛ kanna kəni.

Zozoe 9:9

Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,