Zozoe 8:35 - LAWA A BOO SONBORE

³⁵ Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.

LAWA A BOO SONBORE 2011

³⁵ Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.

Zozoe 8:35 Iomraidhean Croise

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Nehemii 8:3

Ɛsidrasi bɛa sɛ́wɔ kɛ lɛ pɛ bii-a Mu kiɛnlɛ lɛ nyɛɛnɛ, giĩn laanka lɔn yɔrɔ-a, ka min mɛn tumaa goã boe la ǹ nə́ boo giala miɛ, ǹ ná a woo ǹ bǎã dɔ doɛ̃. A kũ baayɛlɛ yiisoo ganaa a wo penleen yaa, zaman lɛ tumaa na á goã n too koe doɛ̃ dí-pɛn sɛ́wɔ lɛ a boon ganaa.

Bɔ bɛ̀rɛbaa nɛ 12:38

Tɔrɔ kɔsɔ minin nə́ goã kunun ǹ ni giãgiã, tɔɔ giãgiã nɛ, sèren ne, bòen ne, ka diin ni.

Zeremii 26:2

– Masɛ Dɛnaa Lawa bɛ́ boo mɛn diɛ, á ke: «Wo giã Lawa a kion a sumu kɛ nɛ. Min mɛn tumaa bɛ́ boe Zudaa gána a kiwin ni bɛ̀ ǹ da ma guguru kɔ Lawa a kion kɛ nɛ, n boo da bɛn manɛ. Ma bɛ́ re boo mɛn tumaa diɛ n nɛ, n na a yii pɛ ǹ nɛ. N nyan boo nɛ goon din bɔ lɛ wa!

Zowɛli 2:16

Ka zaman lɛ sɔkɔn, ka kɔn-yɛ gole zɛnaa. Ka min tumaa bíi: min golen ne, nɛ tenən ne, ka nɛnyaanan mɛnɛn dɔn dinin bɛ́ tɔn nyɔ mii. Lɔ tii ǹ zuũ soo a n bɔ kion. Lɔ tii dɔ soo a n bɔ kion.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Marki 10:14

Yezu bɛ́ á bɛ yɛ, a foo busu ǹ li, á pɛ ǹ nɛ: «Ka toa nɛnyaanan lɛn nə da ma li, ka baran ǹ kurəə wa. A giala, min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Nya ǹ dín 21:5

Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ.

Timəə dí-pɛn 29:10

kaa lɔn laanka kaa nɛnyaanan nɛ ka gùlin mɛnɛn dɔn dinin nə́ ke giã-n ka bii kaa bǎã lɛ nɛ, ǹ nə́ gɔn kuri koe ka la, ǹ nə́ mu sii koe ka la.

Timəə dí-pɛn 29:11

Kaa Lawa, Dɛnaa Lawa lɛ n lɛ kɔ kɔn la we ka ka nɛ. Bɛ̀ ka á re koe lɛ, ka n liɛ kànaa pelo.

Timəə dí-pɛn 29:9

Izirayeli minin lɛn, ka dinin tumaa n ke golee-n kànaa pelo, kaa Lawa, Dɛnaa Lawa yɔrɔ-a: kaa mìilandɛnan nɛ, kaa goledɛnan nɛ, kaa min golen ne, kaa zaman-lɛduə̃lin ni,

Timəə dí-pɛn 31:12

Ka zaman lɛ sɔkɔn, giĩn ni, lɔn nɛ ka nɛnyaanan nɛ, ka gùlin mɛnɛn dɔn bɛ́ giã nɛ ka kiwin ni, màn mɛn bɛ́ toɛ, ǹ nə n too kɔ dí-pɛn sɛ́wɔ lɛ a boon li, ǹ boo la ǹ nyɛ́ɛ baa kaa Lawa, Dɛnaa Lawa yii ni, ǹ nə n yiri dɔ koa li, ǹ dí-pɛn sɛ́wɔ lɛ a boon tumaa tamaa.

Timəə dí-pɛn 4:2

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.