Zozoe 8:28 - LAWA A BOO SONBORE

²⁸ Zozoe Ayii kiwi tã, á bɔyaa á baa kɛbɔlɔ kooro lɛa yǎa duduu. A n tɔn miɛ̃ haalɛ tɔn pelo, min ba a-n wa.

LAWA A BOO SONBORE 2011

²⁸ Zozoe Ayii kiwi tã, á bɔyaa á baa kɛbɔlɔ kooro lɛa yǎa duduu. A n tɔn miɛ̃ haalɛ tɔn pelo, min ba a-n wa.

Zozoe 8:28 Iomraidhean Croise

Kiin2 19:25

N ba doɛ̃, ma má siin kɛn zɛnaa yɔrɔ bɔ haalɛ bibi wa? N ba doɛ̃, mà haalɛ bibi ni, mà má ǹ yɔrɔ bɔ wa? Ma nə ǹ zɛnɛɛ sisia. Kungɔn bɛ́ kiwin mɛnɛn lɛnpɛnɛ, má toa ń bɛn baa kɛbɔlɔ da kɔn la lɛa.

Izayii 17:1

Damaasi a boo gii: Á ke, kànaa ka boɛɛn, Damaasi a re kiwi biɛ doo wa. A n die kɛbɔlɔ biɛ.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zeremii 50:26

Ka bɔ paǹ yii li ka daa, ka a dɔǹɔn lɛ bũ, ka a naforon sɔkɔn, ka tɛ da ǹ ganaa! Ka nyan màn kɔn toa walan wa!

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Timəə dí-pɛn 13:16

ka bɛa kiwi lɛ a min tumaa dɛ, ka a tɔɔn tumaa nɛ, ka ziziɛ̃ lenlen, kɔnlɛ ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Zozoe 4:9

Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ.

Zozoe 8:29

Ayiin kii lɛ sɛ, á bɛ bɔlɔ da biɛ-n da ganaa, yǎa wasa woo mɛ. Wasa bɛ́ á mɛ, Zozoe pɛ minin manɛ, mà ǹ na a gere fore ǹ bɔ da lɛ ganaa. Ǹ ná a gere lɛ saa ǹ nə́ woo zũ tán kiwi lɛ a kiɛnlɛ-a, ǹ nə́ kɔlɔ da kɔn la a lalan ka teleen. Bɛa kɔlɔ dakɔnla gole lɛ á tɔn a tan haalɛ pelo.