Zozoe 8:17 - LAWA A BOO SONBORE

¹⁷ Min din goã Ayii laanka Betɛli kiwi, bɛ̀ a ná a soo á woo Izirayeli minin lɛn kio wa. Sɛnɛ, maǹ nə́ goã ǹ nə́ soo, ǹ nə́ kiwi lɛ lɛ toa koo, ǹ nə́ Izirayeli minin lɛn kio loo.

LAWA A BOO SONBORE 2011

¹⁷ Min din goã Ayii laanka Betɛli kiwi, bɛ̀ a ná a soo á woo Izirayeli minin lɛn kio wa. Sɛnɛ, maǹ nə́ goã ǹ nə́ soo, ǹ nə́ kiwi lɛ lɛ toa koo, ǹ nə́ Izirayeli minin lɛn kio loo.

Zozoe 8:17 Iomraidhean Croise

Zɔbu 5:13

A n sii-dɔ̃lin kuĩ ka ǹ dinin zɛnaa ǹ sii ni. Baraa-zɛnaalin sii yɔrɔ bɔ a giala yii wa.

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Zozoe 8:16

Ayii minin lɛn nə́ n lɛ dɛ, ǹ nə́ kiwi lɛ a zaman tumaa yiɛ ǹ nə́ kaa ǹ kio, ǹ nə́ Zozoe kio loo. Sɛnɛ, bɛ nə́ ǹ bebele miɛ̃, á ǹ wɔlɔ lui kiwi lɛ ganaa.

Zozoe 8:18

Dɛnaa Lawa tɔ́n pɛ Zozoe ne: «Sɛmiɛ̃ mɛn bɛ́ n gɔn ke, a saa n dia Ayii kiwi lɛ la. A giala, masɛ n die we n gɔn.» Sɛmiɛ̃ mɛn goã Zozoe gɔn, á saa á dia Ayii kiwi lɛ la.

Zozoe 8:3

Bɛ kio, Zozoe yoo kun ka a zia-baalin lɛn tumaa nɛ, á woo Ayii gialaa. Á min duu pɔsɔɔ bɔ, zia-baali foo taãnaan lɛa, á ǹ dia tèlò basa li.

Sii yɔrɔ-bɔlen 20:31

Bɛnzamɛn tɔrɔn lɛn nə́ soo, ǹ nə́ woo zaman lɛ gialaa. Izirayeli tɔrɔ gialakunun lɛn nə́ ǹ bebele miɛ̃, ǹ wɔlɔ lui Gibeya kiwi ganaa. Ǹ ná a giala kɔ, ǹ nə́ minin dɛ Izirayeli minin lɛn bii, ka ǹ bɛ́ ǹ nə́ zɛnaa lɔn lɛlɛ. Min pɔsɔɔ kɛ miã nɛ, ǹ nə́ ǹ dɛ don gɔ́ɔ̃ nɛ, ziin sawaa kɔn-a ǹ bǎã kɛ nɛ, goon nə́ woe Betɛli, kɛ n woe Gibeya kiwi.