Zozoe 7:9 - LAWA A BOO SONBORE

⁹ Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

LAWA A BOO SONBORE 2011

⁹ Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

Zozoe 7:9 Iomraidhean Croise

Loen 115:1

A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 48:10

Ee Lawa, n din a kion kɛ nɛ, wɔ nə n taasɛ ka n kɔn-narɛɛ gole kɛ nɛ.

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Loen 83:4

Maǹ tán dù bose n din a zaman kɛ li, n din bɛ́ min mɛnɛn tamaɛ, maǹ kɔn yii bɛn gialaa.

Loen 83:5

Maǹ pii kɛnɛn: Ka daa, wɔ ǹ gána tuturu, min din baran Izirayeli tɔ pɛ doo wa.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Minin nimi 14:13

Muizu tɔ́n pɛ Dɛnaa Lawa nɛ: – Ezipti minin nə́ dɔ̃, mà n din ni ń zaman kɛ lɛ bɔ ǹ bii ka n pàã nɛ ń soo ǹ ne.

Zaã a sɛ́wɔ 12:28

Maa Díi, n din tɔ bɔ.» Lawa a boo-diɛ lɛ tɔ́n bɔ lon kɛnɛn: «Má a tɔ bɔ, man die wusii ma a tɔ bɔ doo.»

Timəə dí-pɛn 9:28

N wɔ waa ń wɔ bɔ gána mɛn lɛ nɛ, n nyan toa minin nə wusoo ǹ kɛ pɛ walan wa: Dɛnaa Lawa na á ǹ waa á soo ǹ ne, á toa ǹ nə́ gã don. A giala, a n lɛ kɔ ǹ la ka gána mɛn lɛ a sii ni, a goã boe la á woe ǹ ne walan wa. Ka bɛ dɔ nɛ, ǹ sii goã kɔɔ̃nɛ a ganaa wa.

Zozoe 7:10

Dɛnaa Lawa tɔ́n pɛ Zozoe ne: «Yoo! Wàa na á baa, n ta niɛ kiɛ tán n yɔrɔ la?

Zozoe 7:8

E Dɛnaa! Izirayeli minin bɛ́ ǹ nə́ baa si ǹ zɔ́ɔn nyɛɛnɛ, masɛ n die wàa mɛn boo diɛ bɛ kio doo kəni?

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.