Zozoe 7:7 - LAWA A BOO SONBORE

⁷ Zozoe tɔ́n pɛ: «E Dɛnaa, Dɛnaa Lawa! Wàa na á baa ń Zurdɛ̃ tà kɛ kuri ka zaman kɛ nɛ, ń die wɔ koe Amɔɔrɔ tɔrɔn kɛn la, bɛn nə́ die wɔ bɔ̀n biɛ? Toa bɛ̀ wɔsɛn dinin man wɔ́ giã Zurdɛ̃ tà kɛ kio!

LAWA A BOO SONBORE 2011

⁷ Zozoe tɔ́n pɛ: «E Dɛnaa, Dɛnaa Lawa! Wàa na á baa ń Zurdɛ̃ tà kɛ kuri ka zaman kɛ nɛ, ń die wɔ koe Amɔɔrɔ tɔrɔn kɛn la, bɛn nə́ die wɔ bɔ̀n biɛ? Toa bɛ̀ wɔsɛn dinin man wɔ́ giã Zurdɛ̃ tà kɛ kio!

Zozoe 7:7 Iomraidhean Croise

Kiin2 3:10

Izirayeli gána a kii tɔ́n nə n toa: «Bɔ̀n! Dɛnaa Lawa na á lɛ dia kii sɔɔ kɛ la, á n die ǹ we Moabu gána minin gɔn.»

Bɔ bɛ̀rɛbaa nɛ 16:3

Izirayeli nɛnyaanan lɛn nə́ pɛ ǹ nɛ: «Á ke le! Wɔ bɛ́ siĩ soɛ̃, wɔ n màn dɔ bii wɔ n kiɛ̃ Ezipti gána nɛ ǹ mɛn waáraa, toa bɛ̀ Dɛnaa na á wɔ dɛ bɛa biikoo kɛ li. Á ke, ka soo ka zaman kɛ tumaa nɛ, ka daa wɔ-n don gɔ́ɔ̃ nɛ, wɔ n die giɛ̃ ka bòo ne!»

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Minin nimi 14:16

«Dɛnaa Lawa goã á n lɛ kɔ zaman lɛ la ka gána mɛn lɛ nɛ, a bɛ́ a ba boe la a tá we ǹ ne walan wa, bɛ lɛ n ke á ǹ dɛ diə gole ne.»

Minin nimi 14:3

Wàa na á baa Dɛnaa Lawa á woe ka wɔsɛn nɛ bɛa gána kɛ miã nɛ, zia bɛ́ re wɔ bii bǎã mɛn nɛ? Maǹ die wɔa lɔn laanka wɔa nɛnyaanan kuĩ. A ba soɛ wɔ ganaa, wɔ n bɔyaa wɔ wo Ezipti gána-n wa?»

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 17:20

Yezu tɔ́n pɛ ǹ nɛ: «A giala, kaa golee Lawa li á kiɛɛrɛ á la yii ni. Masɛ n sonbore pii ka nɛ: Mutarde nàn mɛn din bɛ́ kiɛɛrɛ, bɛ̀ golee Lawa li yɛ ka lon a gole baa dɔ bɛ li, bɛ̀ ka pɛ kele kɛ nɛ mà a yoo a n bɔ kànaa a wo kɛnɛn li, a n yui a woo. Bɛ̀ ka ba re foɛ̃ sii kɔ́n baa lɛ wa. [

Ebrəə 12:5

Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Zozoe 7:8

E Dɛnaa! Izirayeli minin bɛ́ ǹ nə́ baa si ǹ zɔ́ɔn nyɛɛnɛ, masɛ n die wàa mɛn boo diɛ bɛ kio doo kəni?

Samayeli1 4:3

Zaman lɛ woo ǹ giã ǹ bǎã nɛ. Izirayeli a min zizin man nə́ goã pii kɛnɛn: «Wàa na á baa Dɛnaa Lawa toa Filisiti minin nə́ boo wɔsɛn la pelo? Ka n tá, wɔ wo Dɛnaa Lawa a *lɛ kɔ kɔn la ǹ goo kɛ saa Siiloo: A kiɛ̃ a da wɔsɛn bii, a wɔ si wɔa zɔ́ɔn la.»