Zozoe 7:6 - LAWA A BOO SONBORE

⁶ Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

LAWA A BOO SONBORE 2011

⁶ Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Zozoe 7:6 Iomraidhean Croise

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Samayeli2 1:11

Foo ziziɛ̃ gɔn, Davida ná a mɔnaan kũ á ǹ tɔtoɛ̃. A tá-kun wolen tumaa zɛnaa miɛ̃.

Samayeli2 1:12

Ǹ nə́ gɛ̀ lɛ koa. Ǹ nə́ wuu pɛ, ǹ nə́ n lɛ sɔɔ yǎa wasa mɛ, Sayulu laanka a nɛgiĩ Zonaatan taman yii, Dɛnaa Lawa a zaman kɛ taman yii, ǹ mɛnɛn tumaa bɛ́ Izirayeli minin lɛa, ǹ nə́ gã zia la.

Samayeli2 1:2

A lɛawaa sɔɔbaa ǹ wɔ pinaa, bɛ̀ giĩ goon nə́ ke boe Sayulu li, ziabaa ǹ bǎã nɛ die. A mɔnaan tumaa na á goã pɔpɔsiɛ nɛ, a mìi yii n tii lɛa. A bɛ́ á daa á dɔ Davida li, á na á kaa tán, á n mìi zuməə tán.

Samayeli2 12:16

Davida gòã-kũ da Lawa ganaa, nɛ boɛɛn lɛ a lɛa. Davida ná a giala kɔ á goã n lɛ soɛ. Bɛ̀ á wɔ kion tèlò-n mà a n wɛɛ tán, a na á goã wɛɛ tán furu-n.

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

Samayeli2 13:31

Kii yoo a ná a mɔnaan tɔtoɛ̃, á na á waa tán foo ziziɛ̃ gɔn. A dí-nyalin tumaa goã golee-n walan, ǹ mɔnaan nə́ tɔtoɛ̃ nɛ.

Kiin2 22:11

Kii lɛ bɛ́ á dí-pɛn sɛ́wɔ lɛ a boo ma, a ná a mɔnaan tɔtoɛ̃.

KZS2 34:19

Kii bɛ́ á dí-pɛn sɛ́wɔ lɛ a boon ma lɔn, a ná a mɔnaa ǹ tɔtoɛ̃, a giala, a foo ziziɛ̃.

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Nehemii 9:1

A din mui lɛ a lɛawaa fuəwensiibaa ǹ wɔ pinaa, Izirayeli minin lɛn nə́ gɛ̀ koa ǹ mɔnaan wɔ, ǹ gɔ̀nɔn yii n tii lɛa, ǹ nə́ n sɔkɔn lɛ-sɔɔ taman yii.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Zɔbu 2:12

Ǹ bɛ́ ǹ nə́ n toa tìãlɛa ǹ nə́ Zɔbu yɛ, ǹ nə́ fɔ̃ a ganaa. A giaáran lɛn nə́ n lɛ da wuu-n kɔsɛkɔsɛ. Foo-ziziɛ̃ gɔn, ǹ nə́ ǹ mɔnaan tɔtoɛ̃, ǹ nə́ tii goa ǹ nə́ kaa ǹ dinin mìi ni.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Minin nimi 14:6

Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃,

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Nya ǹ dín 14:14

Dia dí-a wole Pooli laanka Barnabaasi bɛ́ ǹ nə́ bɛa boo kɛ ma, ǹ foo ziziɛ̃ parsiini. Ǹ nə́ ǹ mɔnaan toɛ̃, ǹ nə́ n gòã saa ǹ nə́ woo zaman lɛ li, ǹ nə́ paraa:

Zozoe 7:7

Zozoe tɔ́n pɛ: «E Dɛnaa, Dɛnaa Lawa! Wàa na á baa ń Zurdɛ̃ tà kɛ kuri ka zaman kɛ nɛ, ń die wɔ koe Amɔɔrɔ tɔrɔn kɛn la, bɛn nə́ die wɔ bɔ̀n biɛ? Toa bɛ̀ wɔsɛn dinin man wɔ́ giã Zurdɛ̃ tà kɛ kio!

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»

Sii yɔrɔ-bɔlen 11:35

Zɛftee bɛ́ á yɛ lɔn gɔrɔ, foo ziziɛ̃ gɔn, á ná a mɔnaa kũ á toɛ̃ á pɛ: «E, maa nɛlɔ, ma n die masɛ diɛ foo ziziɛ̃ li. Masɛ a koe bɔmaa wolen lɛn goon nə ka n din ni. Ma lɛ na á má da sii ni Dɛnaa Lawa yɔrɔ-a, ma a boe la ma wusoo ka ma kio-n doɛ̃ wa.»

Sii yɔrɔ-bɔlen 20:26

Bɛ lɛ taman yii, Izirayeli zaman tumaa yoo ǹ nə́ woo Betɛli. Ǹ nə́ giã tán walan Dɛnaa Lawa yɔrɔ-a, ǹ nə́ wuu pɛ, ǹ nə́ n lɛ sɔɔ yǎa wasa mɛ. Ǹ nə́ *wúlu màn tiɛ̃ laanka barka da Lawa nɛ ǹ wúlu bɔ Dɛnaa Lawa yɔrɔ-a.

Sii yɔrɔ-bɔlen 21:2

Zaman lɛ daa Betɛli, ǹ nə́ giã tán walan Lawa yɔrɔ-a, yǎa wasa woo mɛ. Ǹ nə́ n lɛ dɛ, ǹ nə́ wuu gole pɛ.

Samayeli1 4:12

Giĩ goon ne, Bɛnzamɛn tɔrɔ nɛ, á n toa zia bǎã lɛ nɛ ka baa nɛ á daa dɔ Siiloo a din pinaa. Foo ziziɛ̃ taman yii, a mɔnaan man nə́ goã tɔtoɛ̃ nɛ, a mìi yii n tii lɛa.