Zozoe 7:24 - LAWA A BOO SONBORE

²⁴ Bɛa biikoo li kəni, Zozoe Zeeraa a nɛgiĩ Aakan kũ, á wɔrɔ lɛ dɔ saa ka dɔnkɛ lɛ laanka sana kuturu lɛ nɛ, á ná a nɛgiĩn laanka a nɛlɔn dɔn kũ, a diin laanka a dundunun ni, a tɔɔ bisinin ni, a mɔnaa kion lɛ nɛ ka màn mɛn tumaa bɛ́ a wɔ lɛa. Izirayeli minin tumaa kaa kun ka Zozoe ne, ǹ nə́ woo ǹ ne Akɔɔrɔ a nyankɔrɔ basa kɛ nɛ.

LAWA A BOO SONBORE 2011

²⁴ Bɛa biikoo li kəni, Zozoe Zeeraa a nɛgiĩ Aakan kũ, á wɔrɔ lɛ dɔ saa ka dɔnkɛ lɛ laanka sana kuturu lɛ nɛ, á ná a nɛgiĩn laanka a nɛlɔn dɔn kũ, a diin laanka a dundunun ni, a tɔɔ bisinin ni, a mɔnaa kion lɛ nɛ ka màn mɛn tumaa bɛ́ a wɔ lɛa. Izirayeli minin tumaa kaa kun ka Zozoe ne, ǹ nə́ woo ǹ ne Akɔɔrɔ a nyankɔrɔ basa kɛ nɛ.

Zozoe 7:24 Iomraidhean Croise

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Zɔbu 20:15

A pàãmabaa ǹ mànan kɛn lɛn á ǹ mui, á re pisii ǹ ni. Lawa á die ǹ wɛɛ a bɔ a gɔ́ɔ̃ nɛ.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Boo-laakalaali 5:13

Bɛa naforo lɛ yoo a ziziɛ̃ sii kaka gɔ́ɔ̃ nɛ, bɛ̀ ǹ dɛnaa nɛ yɛ, màn kɔn ná a ba a gɔn doo wa.

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Ozee 2:15

A wúlu mànan tã Baali ganaa lɛawaan mɛnɛn li ma á re bɛn dɔlɔ boe a ganaa. A na á goã a gɔn ganaa ǹ zanan kɛn laanka a bɔlɔ-a ǹ gii kɛn we, bɛ̀ a baa si a tɔntɔraan lɛn kio. Ma dinmaa ke, a yiri bɔ ka ma nɛ! Dɛnaa Lawa a da ǹ boo ne.

Zozoe 15:7

Gèlè lɛ na á goã n toɛ Akɔɔrɔ a nyankɔrɔ basa kɛ nɛ, á n woe Debiiri kiwi ganaa. A n wusii a n pɛnɛ a wo Gilgaali gɔsɛ a lɛ̀gɔn la Adumimu kele kɛ yɔrɔ-a, bɛ mɛn bɛ́ tà kɛ a gusin a lɛ̀gɔn la. Gèlè lɛ n boe Ɛn-Semɛsi tà kɛ lɛ-a, a wo n doa Ɛn-Rogeli ganaa.

Zozoe 22:20

Mànan mɛnɛn doamaa bɛ́ a bie ka goa-n wa, Zeraa a nɛgiĩ Aakan bɛ́ á ǹ goa, Dɛnaa Lawa foo bie á busu Izirayeli zaman lɛ tumaa li á dɔlɔ da ǹ mìi-n wa? Ka bɛ dɔ nɛ, a dinsɔɔ̃ bie á gã a sii baraa kɛ lɛ a zɛnaa taman yii wa.»

Zozoe 6:18

Sɛnɛ, kasɛn kɛn nə n dinin kũ. Ka doamaa bɛ́ nɛ ka mànan mɛnɛn ziziɛ̃ lenlen, ka nyan toa ka yii bɔ bɛ kɔn li ka saa wa. Bɛ̀ ká bɛ mɛn saa, ka n ka koe bɔ Izirayeli zaman ganaa, ka sii dɛ ka kaa ǹ ganaa.

Zozoe 6:21

Màn mɛn tumaa goã kiwi lɛ nɛ, ǹ ná a tumaa ziziɛ̃ lenlen: A saa giĩn ganaa a wo lɔn yaa, a saa tɔntɔraan ganaa a wo min golen yaa, diin dɔn dinin ni, ka sèren laanka dundunun ni, ǹ ná a tumaa dɛ.

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:23

Ǹ nə́ mànan lɛn gɔsɛ mɔnaa kion lɛ bii ǹ nə́ soo ǹ ne, ǹ nə́ daa ǹ kɔ Zozoe laanka Izirayeli minin lɛn tumaa la. Ǹ nə́ ǹ kaa tán Dɛnaa Lawa yɔrɔ-a.

Zozoe 7:26

Bɛ kio, ǹ nə́ kɔlɔ da kɔn la Aakan lalan ka telee-n, Dɛnaa Lawa foo tɔ́n basã. Bɛa kɔlɔ dakɔnla lɛ á tɔn na a tan haalɛ tɔn pelo. Bɛ lɛ na á toa, ǹ tá tɔn bɛa bǎã kɛ lɛ bii haalɛ tɔn pelo mà "Akɔɔrɔ" bɛ giala mà "bɔ̀n da ǹ nyankɔrɔ basa".