Zozoe 7:20 - LAWA A BOO SONBORE

²⁰ Aakan tɔ́n Zozoe lɛ si, á pɛ nɛ: «Taãn nɛ, masɛ sii baraa zɛnaa Dɛnaa Lawa nɛ, Izirayeli minin Lawa lɛ. Ma sii mɛn zɛnaa, á ke:

LAWA A BOO SONBORE 2011

²⁰ Aakan tɔ́n Zozoe lɛ si, á pɛ nɛ: «Taãn nɛ, masɛ sii baraa zɛnaa Dɛnaa Lawa nɛ, Izirayeli minin Lawa lɛ. Ma sii mɛn zɛnaa, á ke:

Zozoe 7:20 Iomraidhean Croise

Siin Giala 42:21

Sɛnɛ, maǹ nə́ goã pii kɔn nɛ: «Ebe! Wɔ́ sii la wɔ diɛ̃ kɛ la lɛlɛ dɛ. A bɛ́ a foo-ziziɛ̃ lɛ gɔ́ɔ̃ nɛ ǹ mɛn waáraa, wɔ́ yɛ. Sɛnɛ, á wɔ nyankɔ á fɔ̃ li, wɔ n too kɔ a lon wa. Bɛ lɛ na á toa, bɛ miã foo-ziziɛ̃ kɛ tá wɔ dɔn yii pelo.»

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Zɔbu 7:20

N din nə giɛ minbuiin nɛ a sii ganaa. Bɛ̀ má sii baraa zɛnaa, man má wàa la n la? Wàa na á baa ń ma koa n yɔrɔ-a, n tá ma piɛ̃? Maa sii mɛn nə guĩ lɛa n ganaa?

Loen 38:18

Ma á ke die mɛnɛɛ sonbore, maa là-paparɛɛ bɛ́ a nyɛɛ wa.

Bɔ bɛ̀rɛbaa nɛ 10:16

Faarahɔn nə́ n nanaa á lɛ dia Muizu laanka Aarɔn la, á pɛ ǹ nɛ: «Má sã má wɔ kaa Dɛnaa Lawa lɛ lon, ma wɔ ka dinin dɔn lon.

Bɔ bɛ̀rɛbaa nɛ 9:27

Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

Minin nimi 22:34

Balaamu pɛ Dɛnaa Lawa a lon dia dí-a wole lɛ nɛ: «Má sii baraa zɛnaa, a giala ma goã doɛ̃, máa n din nə ke ń goã doa nɛ, ma nyɛɛn zii lɛ la wa. Kanna, bɛ̀ zii-tɔ lɛ á baraa n yii li, man wusii.»

Matiə 26:9

Toa bɛ̀ wɔ n wɔ́ nyɔɔ kɛ lɛ sã giɔ̀mɔ kaka ganaa, wɔ́ a wɔrɔ kɔ doobaan la!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»