Zozoe 7:2 - LAWA A BOO SONBORE

² Bɛ lɛ kio-n kəni, Zozoe nə́ n toa Zerikoo kiwi, á minin dia Ayii kiwi kɛ nɛ kunu Bɛti-Avɛn li, Betɛli a lɛ̀giala gɔn la. Á pɛ ǹ nɛ mà ǹ woo ǹ nə n bibiə̃, ǹ ga gána lɛ ganaa. Bɛa minin lɛn nə́ woo, ǹ nə́ n bibiə̃ ǹ nə́ ga Ayii kiwi lɛ ganaa.

LAWA A BOO SONBORE 2011

² Bɛ lɛ kio-n kəni, Zozoe nə́ n toa Zerikoo kiwi, á minin dia Ayii kiwi kɛ nɛ kunu Bɛti-Avɛn li, Betɛli a lɛ̀giala gɔn la. Á pɛ ǹ nɛ mà ǹ woo ǹ nə n bibiə̃, ǹ ga gána lɛ ganaa. Bɛa minin lɛn nə́ woo, ǹ nə́ n bibiə̃ ǹ nə́ ga Ayii kiwi lɛ ganaa.

Zozoe 7:2 Iomraidhean Croise

Siin Giala 12:8

Á yoo walan á woo kelen bǎã nɛ Betɛli a lɛ̀giala gɔn la. Á Betɛli toa lɛ̀nyɛɛn gɔn la, á Ayii toa lɛ̀giala gɔn la, a ná a zìã dɔ bɛn bii ni. Á wusoo á wúlu bɔ ǹ bǎã kɔsɔ dɔ Dɛnaa wɔ lɛa walan doo, a ná a nyankɔ, a n bíi ka a tɔ nɛ.

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

Kiin1 12:29

Á diin nɛ nyín sanadɛnaa lɛ a goon koa Betɛli kiwi, á goon kɛ dɔ koa Dan kiwi.

Nehemii 11:31

Bɛnzamɛn tɔrɔn man nə́ goã giã-n Gebaa kiwi, Mikimaasi kiwi ni, Aya kiwi ni, Betɛli kiwi laanka a lɛkoro lɛ-a bǎãn nɛ,

Suusun 20:18

Bɛ̀ n tá sii lɛ boe, nɔ̀n da doroo li. N yɔrɔ bɔ n tɔn wo zia la.

Suusun 24:6

Bɛ̀ n tá woe zia la, n taasɛ taãn-taãnɛ. Doroo wole gigiã n gɔ̀lɔ̀baa koe.

Izayii 10:28

Zɔ́ɔn nə́ diri Ayati kiwi la. Maǹ boe Migrɔn, maǹ nə ǹ mànan koɛ Mikmaasi.

Zeremii 49:3

Ɛsibɔn minin, ka gɛ̀ koa ǹ loe lɔ, a giala Ayii kiwi yu! Rabaa lɛkoro-a kiwin, ka gú da! Ka gɛ̀ koa ǹ mɔnaan wɔ, ka foo ziziɛ̃ ǹ loe lɔ! Ka bɔ bǎã tumaa nɛ, kɛ ziin li: Amɔn tɔrɔn kii n woe gùli kɔ ǹ bǎã nɛ, kun ka a wúlu-bɔlen laanka a kiãn tumaa nɛ.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Zozoe 12:9

Ǹ kiwin mɛnɛn kiin dɛ, bɛn nə́ ke: Zerikoo, Ayii kunu Betɛli li,

Zozoe 18:12

Gɔsɛ a lɛ̀gɔn la, ǹ gèlè lɛ n siɛ tán Zurdɛ̃ tà lɛ-a, a kɔ Zerikoo wàã lɛ, a gɔsɛ a lɛ̀gɔn la, a kiɛ̃ a wo kele yii kɛ nɛ dia-n woe lɛ̀nyɛɛnɛ, a tɔn wo n doa Bɛti-Avɛn don kɛ ganaa.

Zozoe 2:1

Nunu a nɛgiĩ Zozoe nə́ n toa Sitimu kiwi, á giĩ min paa dia ka durii ni, á pɛ ǹ nɛ: «Ka woo, ka ga gána lɛ ganaa, ka ga Zerikoo kiwi kɛ sɛ din ganaa a tɔ-a.» Ǹ bɛ́ ǹ nə́ woo ǹ nə́ dɔ gána lɛ nɛ, ǹ nə́ woo kaa lɔ kɔrɔ goon a kion, ǹ nə́ waa walan. Lɔ lɛ tɔ n Rahabu.

Zozoe 7:3

Bɛ kio, ǹ nə́ n bɔyaa, ǹ nə́ daa Zozoe li ǹ nə́ pɛ nɛ: «Mìi ba la zaman lɛ tumaa din woo wa. Min duu paa hinlaa duu sɔɔ kɛ miã á boe Ayii minin lɛn la. Ka baran bɛa nɔmaa kɛ da zaman lɛ tumaa mìi-n walan wa. A giala, Ayii minin lɛn ba tɛ wa.»

Samayeli1 13:5

Filisiti minin lɛn nə́ n yɔrɔ bɔ ǹ nə́ die zia biɛ Izirayeli minin ganaa. Ǹ zia da ǹ wotoron man nə́ goã duu pɔsɔɔ (30 000), ǹ sùidɛnan man nə́ goã duu sɔrɔ. Ǹ sɔraasin man nə́ goã mɔnaa nɛ ka n pɛ mà kɔ̀ mu lɛ-a ǹ nyɔɔsɔ̃ nɛ. Ǹ nə́ woo giã Mikmaasi, Bɛti-Avɛn a lɛ̀giala gɔn la.

Samayeli1 14:23

Bɛa pinaa kɛ lɛ nɛ, Dɛnaa Lawa gɔ̀lɔ̀baa kɔ Izirayeli minin la. Ǹ nə́ zia lɛ baa yǎa ǹ nə́ woo Bɛti-Avɛn da ǹ kio.

Samayeli1 30:27

Á ǹ kɔn dia Betɛli minin la, á ǹ kɔn dia Ramaa minin la Zudaa a gusin a lɛ̀gɔn la, á n kɔn dia Zaatiiri minin la,