Zozoe 7:12 - LAWA A BOO SONBORE

¹² Bɛ lɛ n ke, Izirayeli minin lɛn ba boe la ǹ golee ǹ zɔ́ɔn yɔrɔ-a wa. Maǹ die goɛ̃ baa sii ǹ zɔ́ɔn lɛn nyɛɛn kɛnɛn miɛ̃. A giala, bɛa bɔlɔ-tii sii lɛ nə ǹ kio. Ma bɛ́ má ǹ kurəə mànan mɛnɛn goa ganaa, bɛ̀ ǹ bie ǹ bɛa mànan lɛn ziziɛ̃ lenlen ǹ nə ǹ bɔ ǹ bii wa, masɛ a re goɛ̃ kunun ǹ ni doo wa.

LAWA A BOO SONBORE 2011

¹² Bɛ lɛ n ke, Izirayeli minin lɛn ba boe la ǹ golee ǹ zɔ́ɔn yɔrɔ-a wa. Maǹ die goɛ̃ baa sii ǹ zɔ́ɔn lɛn nyɛɛn kɛnɛn miɛ̃. A giala, bɛa bɔlɔ-tii sii lɛ nə ǹ kio. Ma bɛ́ má ǹ kurəə mànan mɛnɛn goa ganaa, bɛ̀ ǹ bie ǹ bɛa mànan lɛn ziziɛ̃ lenlen ǹ nə ǹ bɔ ǹ bii wa, masɛ a re goɛ̃ kunun ǹ ni doo wa.

Zozoe 7:12 Iomraidhean Croise

Loen 44:10

Sɛnɛ, n bɛ́ ń wɔ tii, ń sìi da wɔ ganaa. N ba soe kun ka wɔa zia-baalin ni doo wa.

Loen 60:10

Haalɛ kaa zɔ́ɔn gánan kɛn, maǹ ma din wɔn lɛa. Moabu n maa zoo ǹ mu kaa ǹ màn lɛa. Ma din gòã n Edɔmu la. Man ziabaa ǹ lɛ wuu boe Filisiti gána gialaa.

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 59:2

Sɛnɛ, kaa sii baraan man ka niɛ̃ kɔn ka kaa Dɛnaa Lawa nɛ. Bɛ̀ n yaa á n bɔ á n bɔ ka li, a ná a ba li a kaa boo ma wa, kaa sii baraan lɛn lɛa nɛ.

Zeremii 23:33

Kɔntan, zaman lɛ a minin tá re nɔ̀n diɛ n la, Lawa a boo gii-dali lɛa hinlaa Lawa a wúlu-bɔle lɛa, ǹ pɛ: – Dɛnaa Lawa a guĩ n ka wàa nɛ? Ń die n nə ǹ lɛ si kɛnɛn: «Ka dinin lɛn man a guĩ lɛa, ma á re n mìi boe ka li.» Dɛnaa Lawa a da ǹ boo ne.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Ozee 9:12

Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Minin nimi 14:39

Muizu bɛa boon lɛn gũ á ǹ pɛ Izirayeli minin lɛn tumaa nɛ. Boon lɛn nə́ zaman lɛ foo ziziɛ̃ parsiini.

Minin nimi 14:42

Ka baran wo wa, a giala Dɛnaa Lawa ba kun ka n wa. Ka baran wo ka dinin kɔ kaa zɔ́ɔn la, bɛn nə ka dɛ wa.

Minin nimi 14:43

Amalɛki tɔrɔn laanka Kanaan minin tá walan ka nyɛɛnɛ, zia tá re ka bii bɛn gɔn. A giala, ka n paǹ kɔ Dɛnaa Lawa nɛ. Dɛnaa Lawa ba re goɛ̃ kun ka-n wa.»

Minin nimi 14:45

Amalɛki tɔrɔn laanka Kanaan minin mɛnɛn bɛ́ giã-n bɛa kele mìin lɛn nɛ, bɛn nə́ gisĩ, ǹ nə́ Izirayeli minin lɛn dɛ ǹ nə́ ǹ zɔzɔɔ, yǎa Ɔrmaa kiwi.

Timəə dí-pɛn 7:26

Ka baran bɛa màn bɔbɔnɛɛ kɛ kɔn da kaa kion wa. Bɛ̀ ká bɛ zɛnaa, bɔ̀n tá re ka yii kun. Sonbore, bɛ miã mànan lɛn doamaa nɛ, ǹ nə n tã lenlen. Ka nyan lɛ kɔ ǹ ganaa wa. Ǹ tìĩ doamaa nɛ, a bɔ ka nyin ni.

Zozoe 6:18

Sɛnɛ, kasɛn kɛn nə n dinin kũ. Ka doamaa bɛ́ nɛ ka mànan mɛnɛn ziziɛ̃ lenlen, ka nyan toa ka yii bɔ bɛ kɔn li ka saa wa. Bɛ̀ ká bɛ mɛn saa, ka n ka koe bɔ Izirayeli zaman ganaa, ka sii dɛ ka kaa ǹ ganaa.

Sii yɔrɔ-bɔlen 16:20

Bɛ kio, Delilaa nə́ n lɛ dɛ á pɛ: «Sansɔn wee, Filisiti minin lɛn tá die n gialaa!» Sansɔn yoo á n bɔ a nyuù lɛ nɛ, á n taasɛ mà asɛ á re n din boe a nɛ, a n din si ka lɛlɛ wɔn kɛn lɛn bɛ́ lɔn. Sɛnɛ, a goã doɛ̃, mà Dɛnaa Lawa nə́ n bɔ á n bɔ li lenlen wa.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 2:4

Dɛnaa Lawa a lon a dia dí-a wole lɛ bɛ́ á bɛa boon lɛn da Izirayeli minin lɛn tumaa nɛ á nya, zaman lɛ kaa wuu-n kɔsɛkɔsɛ.

Samayeli1 14:38

Sayulu pɛ zaman lɛ a goledɛnan manɛ: «Ka tumaa nə n mɔrɔ kànaa. Màn mɛn bɛ́ sii baraa lɛ lɛa pelo, ka ga bɛ li ka dɔ̃.