Zozoe 7:11 - LAWA A BOO SONBORE

¹¹ Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.

LAWA A BOO SONBORE 2011

¹¹ Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.

Zozoe 7:11 Iomraidhean Croise

Kiin2 18:12

A giala Izirayeli minin lɛn man nə n too kɔ ǹ Lawa, Dɛnaa Lawa lɛ lon wa. Ka bɛ dɔ nɛ, ǹ ná a lɛ kɔ kɔn la lɛ ziziɛ̃. Dɛnaa Lawa a dí-nyali Muizu goã á màn mɛn yii pɛ, ǹ nə n too kɔ bɛ-a wa, ǹ kɔ lɛ dɔn wa.

Kiin2 5:24

Geazi bɛ́ á dɔ Ofɛli, á boroon lɛn si á ǹ bɔ ǹ gɔn, á woo ǹ kaa a kion, á n gɔn bɔ giĩ min paa lɛ ganaa ǹ nə́ woo.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Lawa a wúlu-bɔlen 5:15

Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa.

Abakuku 2:6

Sɛnɛ, ǹ tɔrɔn mɛnɛn tumaa kũ, bɛn tá re yui ǹ gialaa ka suusun ni, ka boo baraan nɛ. Maǹ pii: Kaa wɔ n ka koe ne, kasɛn mɛnɛn bɛ́ gɔn mànan soekɔn, ǹ nə ǹ ba kaa wɔ lɛa wa. Kaa giɔ̀mɔ kɛ n goɛ̃ gole yǎa biĩ kəni?

Zakarii 5:4

Dɛnaa Lawa Pàãyiidɛnaa a da ǹ boo á ke: «Man má bɛa lɛn baraa kɛ bíi máa a wɔ wurumunun kion ka min mɛn tumaa bɛ́ n liɛ soɛ la ka masɛ tɔ nɛ. A n die goɛ̃ a tan, a màn tumaa ziziɛ̃, haalɛ kion a mɛnɛn dinin ka a kɔlɔn nɛ.»

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Nya ǹ dín 5:9

Piɛrɛ tɔ́n wusoo á pɛ nɛ: «A na á saa lɔn ka kɔn wɔ ma kɛnɛn, ka wɔ Dɛnaa a Yiri Fu lon? Haya! Minin mɛnɛn nə wo n zuũ gere bĩ, bɛn nə́ wusoo ǹ nə́ daa, ma á ke ǹ gòã wuu miɛ kiɛnlɛ-a, maǹ die n dɔ gere siɛ.»

Timəə dí-pɛn 17:2

Kaa Lawa, Dɛnaa Lawa bɛ́ re kiwin mɛnɛn lɛn koe ka la, kɔntan, min tá re yii ka bii bɛa kiwin lɛn goon ne ǹ kɔn pinaa, giĩ lɛa hinlaa lɔ lɛa, a na a lɛ kɔ kɔn la ǹ boo kɛ la kuru, a sii zɛnaa, sii mɛn nə́ ke baraa Dɛnaa Lawa yii li.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:10

Dɛnaa Lawa tɔ́n pɛ Zozoe ne: «Yoo! Wàa na á baa, n ta niɛ kiɛ tán n yɔrɔ la?

Sii yɔrɔ-bɔlen 2:20

Dɛnaa Lawa foo yoo Izirayeli minin lɛn li, á tɔ́n pɛ: «Tɔrɔ kɛ lɛ a minin nə́ maa lɛ kɔ kɔn la ziziɛ̃, lɛ kɔ kɔn la kɛ lɛ má wɔ ka ǹ digolon ne. Ǹ nə n too kɔ maa boo-a wa.

Samayeli1 14:38

Sayulu pɛ zaman lɛ a goledɛnan manɛ: «Ka tumaa nə n mɔrɔ kànaa. Màn mɛn bɛ́ sii baraa lɛ lɛa pelo, ka ga bɛ li ka dɔ̃.