Zozoe 6:24 - LAWA A BOO SONBORE

²⁴ Sɛnɛ, kiwi lɛ sɛ, ǹ nə́ bɛ tã kun ka a gɔ́ɔ̃gɔ́ɔ̃ ǹ màn tumaa nɛ, yǎa wɔrɔ kɛ laanka sana ke, ka zan mànan kɛn laanka fɔlɔ wɔn nɛ. Maǹ nə́ bɛn kaa kun ka Dɛnaa Lawa a kion mànan nɛ.

LAWA A BOO SONBORE 2011

²⁴ Sɛnɛ, kiwi lɛ sɛ, ǹ nə́ bɛ tã kun ka a gɔ́ɔ̃gɔ́ɔ̃ ǹ màn tumaa nɛ, yǎa wɔrɔ kɛ laanka sana ke, ka zan mànan kɛn laanka fɔlɔ wɔn nɛ. Maǹ nə́ bɛn kaa kun ka Dɛnaa Lawa a kion mànan nɛ.

Zozoe 6:24 Iomraidhean Croise

Samayeli2 10:5

Minin ná a boo da Davida nɛ. Davida tɔ́n minin dia ǹ nə́ woo n da ǹ lɛ. A giala, sìi na á goã ǹ ganaa taãn-taãnɛ. Kii lɛ mà ǹ pɛ ǹ nɛ mà ǹ giã Zerikoo bɔrɔ, yǎa ǹ lɛtoro ka lɛ wusii a piɛ̃. Bɛ kio, ǹ tɔn daa.

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS1 18:11

Bɛa mànan kɛn lɛn dɔn, kii Davida nə́ ǹ kɔ Dɛnaa Lawa la kũ ka wɔrɔ laanka sana mɛn bɛ á ǹ si tɔrɔ kɔsɔn la: Edɔmu minin ni, Moabu minin ni, Amɔn tɔrɔn nɛ, Filisiti minin ni ka Amalɛki minin ni.

Minin nimi 31:10

Ǹ nə́ tɛ da Madiã minin lɛn giã ǹ kiwi dadaran tumaa ganaa, ka ǹ giã ǹ zìã tumaa nɛ.

Timəə dí-pɛn 13:16

ka bɛa kiwi lɛ a min tumaa dɛ, ka a tɔɔn tumaa nɛ, ka ziziɛ̃ lenlen, kɔnlɛ ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 20:16

Sɛnɛ, tɔrɔn kɛn lɛn, kiwin mɛnɛn bɛ́ kaa Lawa, Dɛnaa Lawa nə́ ǹ koe ka la kaa wɔ lɛa, ka nyan màn kɔn toa walan á n fɔfoã sii wa.

Zozoe 11:11

Min mɛn tumaa goã a nɛ, ǹ nə́ bɛn dɛ lenlen. Màn woo màn tá fɔfoã sii, bɛ kɔn goã a-n doo wa. Ǹ nə́ tɛ da Asɔɔrɔ kiwi lɛ ganaa.

Zozoe 6:19

Wɔrɔ din tumaa ka sana nɛ, zan mànan kɛn tumaa ka fɔlɔ wɔn nɛ, ka die ka bɛn tumaa kaa ǹ gɔrɔn, Dɛnaa Lawa wɔn lɛa, ka ǹ kaa Dɛnaa Lawa gɔn màn tamaa ǹ bǎã kɛ nɛ.

Zozoe 6:25

Rahabu lɔ kɔrɔ kɛ lɛ, Zozoe bɛ yii toa koo, ǹ di kion minin ni, ka min mɛn tumaa goã a wɔ lɛa. A na á giã Izirayeli minin lɛn bii, yǎa á daa kaa pelo kɛ lɛ. A giala, Zozoe goã á minin mɛnɛn dia mà ǹ wo ga gána lɛ ganaa ka durii ni, a na á goã á bɛn lɛn duru.

Zozoe 8:28

Zozoe Ayii kiwi tã, á bɔyaa á baa kɛbɔlɔ kooro lɛa yǎa duduu. A n tɔn miɛ̃ haalɛ tɔn pelo, min ba a-n wa.

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 18:8

Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.