Zozoe 6:21 - LAWA A BOO SONBORE

²¹ Màn mɛn tumaa goã kiwi lɛ nɛ, ǹ ná a tumaa ziziɛ̃ lenlen: A saa giĩn ganaa a wo lɔn yaa, a saa tɔntɔraan ganaa a wo min golen yaa, diin dɔn dinin ni, ka sèren laanka dundunun ni, ǹ ná a tumaa dɛ.

LAWA A BOO SONBORE 2011

²¹ Màn mɛn tumaa goã kiwi lɛ nɛ, ǹ ná a tumaa ziziɛ̃ lenlen: A saa giĩn ganaa a wo lɔn yaa, a saa tɔntɔraan ganaa a wo min golen yaa, diin dɔn dinin ni, ka sèren laanka dundunun ni, ǹ ná a tumaa dɛ.

Zozoe 6:21 Iomraidhean Croise

Kiin1 20:42

Lawa a boo gii-dali lɛ pɛ Akaabu ni: «Dɛnaa Lawa n kɛ pii: Ma bɛ́ má ǹ min mɛn nyín bɔ, n bɛ́ n nə n gɔn bɔ bɛ ganaa á woo, n din nyín nə die miɛ bɛ lɛ wɔ bǎã nɛ. Sii mɛn doamaa bɛ́ nɛ a Bɛn-Adaadi a zaman yɛ, bɛ n die kuĩ n din kɛ lɛ a zaman mìi ni.»

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Timəə dí-pɛn 13:16

ka bɛa kiwi lɛ a min tumaa dɛ, ka a tɔɔn tumaa nɛ, ka ziziɛ̃ lenlen, kɔnlɛ ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 2:34

Wɔ́ a kiwin lɛn tumaa kũ bɛa waáraa kɛ lɛ nɛ, wɔ́ ǹ tumaa yu lenlen: giĩn ni, lɔn nɛ ka nɛnyaanan nɛ, wɔ́ bɛn dɛ. Wɔ min goon din yii toa koo wa.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Zozoe 10:28

A din pinaa kɛ lɛ nɛ, Zozoe Makedaa kiwi kũ. Kiwi lɛ a kii ni, ka min mɛn tumaa goã kiwi lɛ nɛ, á bɛn dɛ. A toa min goon din la wa. A goã á sii mɛn zɛnaa Zerikoon kii ni, a na á bɛ lɛ miã zɛnaa Makedaan kii lɛ dɔ nɛ.

Zozoe 10:39

Zozoe kiwi lɛ kũ, á ná a kii kũ, ka a lɛkoro-a ǹ kiwin tumaa nɛ. Min mɛn tumaa goã bɛa kiwin lɛn nɛ, ǹ nə́ bɛn dɛ, ǹ nə́ ǹ tumaa ziziɛ̃ lenlen. Zozoe min goon yii toa koo wa. A goã á sii mɛn zɛnaa Ebrɔn kiwi ni, a ǹ mɛn dɔ zɛnaa Libnaa kiwi laanka a kii ni, a na á bɛ lɛ miã zɛnaa Debiiri kiwi dɔ laanka a kii ni.

Zozoe 11:11

Min mɛn tumaa goã a nɛ, ǹ nə́ bɛn dɛ lenlen. Màn woo màn tá fɔfoã sii, bɛ kɔn goã a-n doo wa. Ǹ nə́ tɛ da Asɔɔrɔ kiwi lɛ ganaa.

Zozoe 11:14

Izirayeli minin lɛn nə́ bɛa kiwin lɛn mànan tumaa laanka ǹ tɔɔn goa ǹ dinin wɔ lɛa. Sɛnɛ, ǹ nə́ minbuiin nɛ kɛ tumaa dɛ yǎa ǹ nə́ ǹ nya. Màn woo màn tá fɔfoã sii, ǹ bɛ kɔn toa a-n wa.

Zozoe 8:2

N sii mɛn zɛnaa Zerikoo kiwi laanka a kii ni, n die n bɛ lɛ miã zɛnaa Ayii kiwi dɔ laanka a kii ni. Sɛnɛ, ka die ka ǹ mànan laanka ǹ tɔɔn goa, ka dinin wɔ lɛa. N minin kɔnɔn duru, bɛn die ǹ yɔ bɔ kiwi lɛ ganaa a kio wɔlɔ li.»

Zozoe 8:22

Izirayeli minin gialakunun lɛn nə́ soo kiwi lɛ nɛ, ǹ nə́ daa n da ǹ lɛ. Ayii minin lɛn man nə́ goã Izirayeli minin lɛn bii kəni, kɛn nə́ ǹ wàã kɛ-a, kɛn dɔn nə́ ǹ wàã kɛ-a. Izirayeli minin lɛn nə́ ǹ dɛ lenlen, ǹ min toa wa, min dɔ baa si á la wa,

Zozoe 9:3

Zozoe sii mɛn zɛnaa Zerikoo laanka Ayii kiwi, Gabawɔ̃ minin dɔn ná a boo ma.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 15:8

Á Amalɛki tɔrɔn kii Agaagi kũ a yii n koo, á zaman lɛ tumaa dɛ lenlen.