Zozoe 6:17 - LAWA A BOO SONBORE

¹⁷ Kiwi lɛ laanka màn mɛn tumaa bɛ́ a nɛ, Dɛnaa Lawa wɔ nɛ. Ka die ka bɛ tumaa ziziɛ̃ lenlen. Sɛnɛ, Rahabu kɛ lɛ lɔ kɔrɔ lɛa, ka die ka bɛ dinsɔɔ̃ yii toa koo, a din laanka min mɛn tumaa bɛ́ re goɛ̃ kion kun ni. A giala, á wɔa dia dí-a wolen duru.

LAWA A BOO SONBORE 2011

¹⁷ Kiwi lɛ laanka màn mɛn tumaa bɛ́ a nɛ, Dɛnaa Lawa wɔ nɛ. Ka die ka bɛ tumaa ziziɛ̃ lenlen. Sɛnɛ, Rahabu kɛ lɛ lɔ kɔrɔ lɛa, ka die ka bɛ dinsɔɔ̃ yii toa koo, a din laanka min mɛn tumaa bɛ́ re goɛ̃ kion kun ni. A giala, á wɔa dia dí-a wolen duru.

Zozoe 6:17 Iomraidhean Croise

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Ɛsidrasi 10:8

A kɔnpɛ ka nyɛɛnaandɛnan laanka min golen boo ne, kànaa ka lɛawaa sɔɔ, min mɛn bɛ́ a re die wa, ǹ dɛnaa a mànan tumaa nə n sii la, ǹ dɛnaa dinmaa nə n na, wɔ bɔ goa wole zaman lɛ ganaa.

Izayii 34:6

Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Ezekieli 39:17

Dɛnaa Lawa wusoo á pɛ ma nɛ: – Minbuiin a nɛ, n too kɔ: «A pɛ bàanan manɛ, màn mɛn tumaa bɛ́ piɛ̃ lon, ka don mànan tumaa nɛ, mà ǹ bɔ bǎã tumaa nɛ ǹ da n lɛ sɔkɔn, *wúlu màn kɛa lɛa ma ń die koe ǹ la, ma bɛ́ re wúlu gole mɛn boe Izirayeli kelen kɛn la. Ǹ tá re siĩ yii walan ǹ baa màn-bii lɛa, ǹ minbuiin nɛ mà mi.

Lawa a wúlu-bɔlen 27:21

Ta lɛ̀ posooro zɔ́n na á dɔ, bɛa wuru lɛ nə n koɛ Dɛnaa Lawa wɔ lɛa, a ná a wɔbaa-n duduu. Bɛa bǎã lɛ n doe Lawa a wúlu-bɔle ganaa.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 2:7

Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:12

Dí-pɛn lɛ-sii bie goon ka goleemali-n wa. A giala, Lawa a sɛ́wɔ pɛ: «Min mɛn bɛ́ dí-pɛn bɔlɔ sii, a tá ǹ sii zɛnɛɛ, bɛa dɛnaa á re yiikoonaabaa yii bɛn taman yii.»

Timəə dí-pɛn 20:17

Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn.

Ebrəə 11:31

Golee Lawa li na á toa, Rahabu, lɔ kɔrɔ kɛ lɛ bɔ̀n baa kun ka Lawa bɔlɔ-tiilin ni wa. A giala, á duru a ga gána ganaa wolen kɛn lɛn kũ doɛ̃.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Zaaki 2:25

Lɔ kɔrɔ Rahabu kɛ dɔ wɔ na á n baa miɛ̃. A zɛnaa ǹ siin lɛn man nə́ toa Lawa lɛ kɔ a ganaa. A giala, á lɛ kɔ á Izirayeli minin dia dí-a wolen kũ, á ǹ tamaa doɛ̃, á ǹ kaa zii kɔsɔ la, ǹ nə́ la ǹ nə́ woo.

Zozoe 2:1

Nunu a nɛgiĩ Zozoe nə́ n toa Sitimu kiwi, á giĩ min paa dia ka durii ni, á pɛ ǹ nɛ: «Ka woo, ka ga gána lɛ ganaa, ka ga Zerikoo kiwi kɛ sɛ din ganaa a tɔ-a.» Ǹ bɛ́ ǹ nə́ woo ǹ nə́ dɔ gána lɛ nɛ, ǹ nə́ woo kaa lɔ kɔrɔ goon a kion, ǹ nə́ waa walan. Lɔ lɛ tɔ n Rahabu.

Zozoe 2:22

Ǹ nə́ zii saa ǹ nə́ woo kele yii ni, ǹ nə́ giã walan lɛawaa sɔɔ, yǎa ǹ kio-loolin lɛn nə́ n bɔyaa ǹ nə́ daa piɛ. Bɛ á zɛnɛɛ, bɛ̀ ǹ nə́ ga ǹ li bǎã tumaa nɛ ǹ nə́ fɔ̃.

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 15:6

Sayulu pɛ Kenii tɔrɔn manɛ: «Ka n na, ka woo, ka n bɔ Amalɛki tɔrɔn lɛn bii, bɛ̀ bie wa, ma tɔn kiɛ̃ ma ka dɔn naa Amalɛki tɔrɔn lɛn ganaa kooro, a da yaa Izirayeli minin lɛn bɛ́ boe Ezipti gána nɛ ǹ mɛn waáraa, Kenii tɔrɔn lɛn nə́ ǹ tumaa kũ doɛ̃.» A bɛ́ miɛ̃, Kenii tɔrɔn lɛn nə́ n na Amalɛki tɔrɔn lɛn ganaa.