Zozoe 4:9 - LAWA A BOO SONBORE

⁹ Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ.

LAWA A BOO SONBORE 2011

⁹ Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ.

Zozoe 4:9 Iomraidhean Croise

Siin Giala 26:33

Izaaki bɛa tù lɛ bíi Siibaa (bɛ giala, mà "Liɛ"). Bɛ lɛ na á toa, ǹ tá kiwi lɛ bíi Bɛɛr-Sebaa haalɛ tɔn pelo, bɛ giala, mà "Liɛwɔ Tù".

Siin Giala 28:18

Zakɔba yoo baayɛlɛ yiisoone. A goã á kɔlɔ mɛn wɔ a mìi li, á bɛ saa á doa tán, á nyɔɔ kaa a mìi ni.

Samayeli2 4:3

Beerɔti kiwi minin lɛn man nə́ goã ǹ nə́ baa si ǹ nə́ woo giã Gitayimu kiwi. A da kaa pelo lɛ, a tɔrɔn man tɔn giã-n walan.

Kiin1 18:31

Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

KZS2 5:9

A saa ǹ bàlàn lɛn man nə́ goã sɔsɔrɔ a tɔ-a. Kion lɛ a gɔ́ɔ̃ gole mɛn bɛ́ n na n tɔ n dɔ bǎã sonbore sonbore kɛ nɛ, min nə́ goã boe la a n toa bɛ gɔ́ɔ̃ nɛ a ǹ lɛwɔn yɛ. Sɛnɛ a ba boe la a n toa kanaa a ǹ yɛ wa. Bɛa bàlàn lɛn tan a da kaa pelo lɛ.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 28:21

Kɔlɔn lɛn man die kɔn siɛ ka Zakɔba a nɛgiĩn tɔn lɛn nɛ: kɔlɔ fulupaa ka ǹ dɔn tɔn lɛn bɛ́ lɔn. Maǹ die goɛ̃ Izirayeli nɛnyaanan tɔrɔgiala basa fulupaa kɛ a sii nyaa ǹ sii lɛa.

Matiə 27:8

Bɛ lɛ na á toa, ǹ tá bɛa bǎã lɛ bíi "mà bǎã" haalɛ tɔn pelo.

Matiə 28:15

Yala-lɛduə̃lin lɛn nə́ wɔrɔ lɛ si, ǹ pɛ ǹ nɛ lɔn, ǹ nə́ zɛnaa miɛ̃. Bɛ lɛ nɛ, bɛa boo lɛ nə́ n da wɔlɔ la Zuifun bii, yǎa á daa pelo ǹ yaa.

Timəə dí-pɛn 34:6

Dɛnaa Lawa ná a gere bĩ Moabu gána a nyankɔrɔ basa kɛ nɛ, Bɛti-Pewɔɔrɔ yɔrɔ-a. A da kaa pelo lɛ, min kɔn ba a yala bǎã doɛ̃ wa.

Zozoe 24:26

Zozoe bɛa boon lɛn kiɛ̃ Lawa a dí-pɛn sɛ́wɔ kɛ nɛ. Bɛ kio, á kɔlɔ gole saa á doa tán da sasa kɛ giulun, bǎã kɛ nɛ, ǹ nə́ bɔ ǹ nə́ koa Dɛnaa Lawa wɔ lɛa.

Zozoe 4:10

Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.

Sii yɔrɔ-bɔlen 1:26

Bɛa giĩ lɛ woo Ɛti tɔrɔn gána nɛ, á kiwi goon koa walan, á tɔ kɔ a ganaa mà Luuzu. Bɛ lɛ na a tɔ lɛa, yǎa a da kaa pelo lɛ.

Samayeli1 30:25

A kũ bɛa pinaa kɛ lɛ ganaa, Davida bɛ baa landa lɛa, á ná a zɛnaa baa pàã lɛa Izirayeli minin lɛn ganaa. Bɛa sii lɛ tá tɔn a giala la haalɛ pelo.

Samayeli1 7:12

Samayeli kɔlɔ saa á da tán Misipaa laanka Sɛni kiwi bii ni á ná a tɔ kɔ mà Ebɛn-Ezɛrɛ bɛ̀ á n pii: «Lawa nə́ ǹ dɔ wɔsɛn lɛ yǎa kànaa.»