Zozoe 4:19 - LAWA A BOO SONBORE

¹⁹ Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.

LAWA A BOO SONBORE 2011

¹⁹ Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.

Zozoe 4:19 Iomraidhean Croise

Kiin2 2:1

Dɛnaa Lawa bɛ́ Yilii siɛ kun ka kurunkurun ni, woe-n lon ne, bɛ̀ Yilii laanka Yiliizee nə n toɛ Gilgaali kiwi woe bǎã kɔsɔ nɛ.

Amɔɔsi 4:4

Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Timəə dí-pɛn 1:3

Izirayeli minin lɛn soo Ezipti lɛ̀ pusi, a mui fulugoonbaa ǹ wɔ a lɛawaa bibinaa pinaa, Muizu boo da ǹ nɛ, á kɔnpɛ ka gɔn waa ǹ boon kɛn tumaa nɛ, Dɛnaa Lawa kɔ la, ǹ wɔ lɛa.

Timəə dí-pɛn 11:30

Ka á doɛ̃, bɛa kelen lɛn man Zurdɛ̃ tà kio dia-n woe lɛ̀nyɛɛn la, Kanaan minin gána nɛ, ǹ mɛnɛn bɛ́ Zurdɛ̃ a nyankɔrɔ basa kɛ nɛ, Gilgaali yɔrɔ-a, More a dì dan kɛn li.

Zozoe 10:43

Bɛ kio, Zozoe nə́ n bɔyaa á woo giã ǹ bǎã kɛ nɛ Gilgaali, Izirayeli minin lɛn tumaa n kun ni.

Zozoe 10:6

Gabawɔ̃ minin lɛn dɔn nə́ tɔ́n min dia Zozoe li giã ǹ bǎã kɛ nɛ Gilgaali. Maǹ wo pɛ nɛ kɛnɛn: «Wɔsɛn manə n bɛ̀rɛn lɛa, n baran n gɔn bɔ wɔsɛn ganaa wa. N nanaa n da n dɔ wɔ lɛ, n wɔ kirisibaa. A giala, Amɔɔrɔ tɔrɔn kiin mɛnɛn tumaa bɛ́ giã-n kele yii kɛ nɛ, bɛn man nə́ n lɛ kaa kun, ǹ nə́ daa wɔsɛn gialaa.»

Zozoe 15:7

Gèlè lɛ na á goã n toɛ Akɔɔrɔ a nyankɔrɔ basa kɛ nɛ, á n woe Debiiri kiwi ganaa. A n wusii a n pɛnɛ a wo Gilgaali gɔsɛ a lɛ̀gɔn la Adumimu kele kɛ yɔrɔ-a, bɛ mɛn bɛ́ tà kɛ a gusin a lɛ̀gɔn la. Gèlè lɛ n boe Ɛn-Semɛsi tà kɛ lɛ-a, a wo n doa Ɛn-Rogeli ganaa.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 4:18

Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn bɛ́ soe n boe Zurdɛ̃ tà lɛ gɔ́ɔ̃ nɛ ǹ mɛn waáraa, ǹ gòã tisi n die miɛ̃ tán gere la, Zurdɛ̃ tà lɛ a mu wusoo á daa a bǎã nɛ, á baa si a lɛkoro tumaa li ka a lɛlɛn bɛ́ lɔn.

Zozoe 5:10

Izirayeli minin lɛn nə́ golee Gilgaali. Ǹ nə́ *kiɛ̃mala ǹ zɔ́n zɛnaa Zerikoo a nyankɔrɔ basa kɛ nɛ, mui a lɛawaa fulusiibaa ǹ wɔ pinaa, wasamiɛ̃n lɛn li.

Zozoe 5:9

Dɛnaa Lawa tɔ́n pɛ Zozoe ne: «Pelo, má Ezipti minin sìi da ǹ sii kɛ toɛ̃ ma bɔ ka ganaa.» Bɛ lɛ nɛ, ǹ nə́ tɔ́n bɛa bǎã lɛ bii Gilgaali, yǎa a da kaa pelo lɛ, bɛ n "sìi toɛ̃" giala pii.

Zozoe 9:6

Ǹ nə́ woo dɔ Zozoe li giã ǹ bǎã kɛ nɛ Gilgaali, ǹ nə́ pɛ a laanka Izirayeli minin lɛn manɛ mà ǹsɛn man boe gána sɔsɔɔ-n die. Mà ǹsɛn man giɛ li, a lɛ kɔ kɔn la wɔ ka ǹsɛn nɛ kəni.

Samayeli1 10:8

N die n wo Gilgaali ma nyɛɛnɛ, masɛ á die n yiɛ walan, wɔ wúlu bɔ: *wúlu màn tiɛ̃n laanka barka da ǹ wúlu mànan nɛ. N die n ma ma duə̃ lɛawaa sɔbaa gɔ́ɔ̃ nɛ yǎa ma die n yiɛ. N doamaa bɛ́ nɛ n sii mɛn zɛnaa, ma tɔn bɛ nyaa n nɛ.

Samayeli1 15:33

Samayeli pɛ: «A saa lɔn, n dɔ minin nɛnyaanan nyin bɔ ka gɔya nɛ, ǹ daanan gɔn kooro goã, n dɔ dan gɔn kooro á re goɛ̃ pelo, lɔn bii.» Bɛ kio, Samayeli tɔ́n Agaagi dɛ á pɔpɔsɛ Dɛnaa Lawa yɔrɔ-a Gilgaali.