Zozoe 4:13 - LAWA A BOO SONBORE

¹³ Zia-baali duu pusi kɛ miã na á kiɛ̃ Dɛnaa Lawa din yii ni, ka ǹ ziabaa ǹ mànan nɛ ǹ ganaa, ǹ nə́ woe zia biɛ Zerikoo a nyankɔrɔ basa kɛ nɛ.

LAWA A BOO SONBORE 2011

¹³ Zia-baali duu pusi kɛ miã na á kiɛ̃ Dɛnaa Lawa din yii ni, ka ǹ ziabaa ǹ mànan nɛ ǹ ganaa, ǹ nə́ woe zia biɛ Zerikoo a nyankɔrɔ basa kɛ nɛ.

Zozoe 4:13 Iomraidhean Croise

Kiin2 25:5

Kalde minin zia-baalin lɛn nə́ tɔ́n kii lɛ kio loo, ǹ nə́ woo dɔ a ganaa Zerikoo kiwi a nyankɔrɔ lɛ kɛ nɛ. A zia-baalin tumaa sawaa ǹ nə́ toa walan.

Bɔ bɛ̀rɛbaa nɛ 13:18

Lawa zaman lɛ yɔrɔ bɔyaa á dia Sawɛɛ tà diə gole la. Izirayeli nɛnyaanan lɛn man nə́ soo, ǹ nə́ n bɔ Ezipti gána-n ka màn gigiã nɛ.

Zeremii 39:5

Sɛnɛ, Baabilonii sɔraasin nə́ ǹ kio loo, ǹ nə́ dɔ Sedekiasi ganaa Zerikoo nyankɔrɔ lɛ nɛ. Ǹ nə́ kũ, ǹ nə́ baa kòso nɛ lɛa, ǹ nə́ woo ne Ribla kiwi, Amaati gána nɛ, Baabiloniin kii Nebukadenezɔɔrɔ yɔrɔ-a. Nebukadenezɔɔrɔ kiri wɔ Sedekiasi ganaa walan.

Zeremii 52:8

Sɛnɛ, Baabilonii sɔraasin nə́ kii Sedekiasi kio loo, ǹ nə́ dɔ a ganaa Zerikoo a wuru bǎãn kɛn nɛ. A sɔraasin tumaa nə n na ǹ nə́ n bɔ a ganaa kəni.

Minin nimi 32:17

Bɛ kio, wɔ tá re n nanaɛ wɔ wɔa ziabaa ǹ mànan goa, wɔ kiɛ̃ wɔ mɛ̀ Izirayeli min gialakun lɛ nyɛɛnɛ, yǎa wɔ woe doe ǹ ne ǹ bǎã nɛ. Bɛa biikoo li, wɔa kion minin tá re goɛ̃ kiwi kungɔndɛnan kɛn nɛ, ǹ nə́ tamaa nɛ gána lɛa minin ganaa.

Efɛɛzi minin 6:11

Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Zozoe 4:12

Urubɛn tɔrɔ minin ni, Gaadi wɔn nɛ, ka Manaasee tɔrɔ minin kɛn talɛɛ nɛ, bɛn nə́ ǹ ziabaa ǹ mànan goa, ǹ nə́ mɛ Izirayeli minin gialakunun lɛn nyɛɛnɛ, ka Muizu bɛ́ á goã á pɛ ǹ nɛ lɔn.

Zozoe 4:14

Bɛa pinaa kɛ lɛ nɛ, Dɛnaa Lawa nyaa Izirayeli minin lɛn tumaa nɛ, mà asɛ din na á tɔ kɔ Zozoe la. A saa bɛ lɛ ganaa lɔn, ǹ nə́ nyɛ́ɛ baa Zozoe ne, ka ǹ bɛ́ ǹ nə́ goã nyɛ́ɛ biɛ Muizu-n lɔn a tá kanaa lɛawaa tumaa gɔ́ɔ̃ nɛ.

Zozoe 5:10

Izirayeli minin lɛn nə́ golee Gilgaali. Ǹ nə́ *kiɛ̃mala ǹ zɔ́n zɛnaa Zerikoo a nyankɔrɔ basa kɛ nɛ, mui a lɛawaa fulusiibaa ǹ wɔ pinaa, wasamiɛ̃n lɛn li.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.