Zozoe 4:10 - LAWA A BOO SONBORE

¹⁰ Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.

LAWA A BOO SONBORE 2011

¹⁰ Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.

Zozoe 4:10 Iomraidhean Croise

Loen 119:60

Ma nə n nanaɛ ma tá n dí-pɛn kɛn tamaɛ. Ma ba n lɔloɛ ǹ li wa.

Bɔ bɛ̀rɛbaa nɛ 12:39

Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.

Suusun 27:1

N nyan nə n din kalaa biɛ̃ ǹ taman yii wa. A giala, sii mɛn bɛ́ re n zɛnɛɛ pelo n ba bɛ doɛ̃ wa.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Korɛnti2 6:2

A giala, Lawa din na á pɛ sɛ́wɔ nɛ: «Biikoo sonbore li, má n too kɔ n lon, kirisibaa pinaa, má daa n gú ganaa.» Á ke, sisia kəni, biikoo sonbore lɛ n ke, a minin kirisibaa pinaa lɛ dɔ n ke.

Timəə dí-pɛn 31:9

Muizu bɛa dí-pɛ lɛ kiɛ̃ á kɔ *Levii tɔrɔn wúlu-bɔlen kɛn la, ǹ mɛnɛn lɛn bɛ́ Dɛnaa Lawa a *lɛ kɔ kɔn la ǹ goo guĩ, á kɔ Izirayeli tɔrɔn min golen tumaa dɔ la.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 3:13

Dɛnaa Lawa lɛ, kanaa tumaa a Dɛnaa lɛa, wúlu-bɔlen mɛnɛn bɛ́ bɛa lɛ kɔ kɔn la ǹ goo lɛ guĩ, bɛ̀ bɛn gòã tisi mɛ Zurdɛ̃ tà mu lɛ li lɔn gɔrɔ, mu mɛn bɛ́ gisĩ die ka pàã nɛ, bɛ á die n lɛ kuri, a golee bǎã goon ne ka maǹ nə́ bèlèn dɔ nɛ.»

Zozoe 4:11

Zaman lɛ tumaa bɛ́ á kiɛ̃ á nya ǹ mɛn waáraa, Dɛnaa Lawa a goo lɛ laanka wúlu-bɔlen lɛn nə́ kiɛ̃, ǹ nə́ mɛ zaman lɛ nyɛɛnɛ.

Zozoe 4:9

Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ.