Zozoe 3:16 - LAWA A BOO SONBORE

¹⁶ mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

LAWA A BOO SONBORE 2011

¹⁶ mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

Zozoe 3:16 Iomraidhean Croise

Siin Giala 14:3

Ma kiin mɛnɛn pɛ sisia, bɛn tumaa doamaa nɛ ǹ wo kɔn yǎa nyankɔrɔ basa kɛ nɛ Sidimu. Yìsi mu kɔ̀ kɛ lɛ a baa sii wa, bɛ lɛ n walan sisia.

Kiin1 4:12

Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

Kiin1 7:46

Zurdɛ̃ tà lɛ-a bǎã nɛ, Sukɔti kiwi laanka Saretan kiwi bii ni, kii lɛ nə́ ǹ kaa bɛa mànan kɛn lɛn tumaa boe ganaa gì dɔnɔn nɛ.

Loen 114:3

Ǹ bɛ́ ǹ nə́ Izirayeli nɛnyaanan lɛn yɛ, yìsi mu gole kɛa mu baa si á papaã, Zurdɛ̃ tà kɛa mu wusoo a kio ne.

Loen 114:5

Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

Loen 29:10

Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

Loen 33:7

A din na á kɔ̀ mu sɔkɔn, a ná a lɛ zũ, mu nyankɔrɔ zuzulun kɛn, a din na á bɛn koa.

Loen 66:6

Á tàn mu bii kuru kɔn, minin nə́ kiɛ̃ ǹ geremaa gɔ́ɔ̃ nɛ ka ǹ gòã nɛ. Ka daa wɔ n nyɛnyɛɛ bɛa sii gole kɛa lɛa.

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Loen 77:19

N la lɛ bɛ́ gini kiɛ̃, la a tɛ-pɛn nə́ kanaa lɛ fulu. Tán nə́ nyɛ́ɛ baa, á bìn da.

Loen 78:13

Á kɔ̀ mu yu kɔn màn paa, á toa ǹ nə́ kiɛ̃. Á mu lɛ sɔkɔn wɔlɔ paa ka tà-zuĩ ni.

Bɔ bɛ̀rɛbaa nɛ 14:21

Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 14:22

Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

Bɔ bɛ̀rɛbaa nɛ 14:29

Sɛnɛ, Izirayeli nɛnyaanan man nə́ tɔ wɔ tà gɔ́ɔ̃ gere bii, mu lɛ n soe-n kɔn ka kungɔn bɛ́ lɔn ǹ paǹan paanan li.

Bɔ bɛ̀rɛbaa nɛ 15:8

N din lɛ gɔ́ɔ̃ ǹ piɛ̃ a kakabaa na á mu lɛ goa á sɔkɔn, mu baa-sili lɛ nə́ n kurəə, á golee ka kungɔn bɛ́ lɔn, mu lɛ golee bǎã goon ne tà lɛ gɔ́ɔ̃ nɛ.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Ezekieli 47:8

Á tɔ́n pɛ ma nɛ: «Mu kɛ lɛ n baa sii woe gána lɛ a lɛ̀giala gɔn li. A n gisĩ a bɔ Zurdɛ̃ a nyankɔrɔ basa kɛ nɛ, a kiɛ̃ a wo kaa yìsi mu kɔsɛ kɔsɛ kɛ li. Bɛ̀ á kaa yìsi mu lɛ li, a n bɔyɛɛ, a baa mu sonbore lɛa.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Abakuku 3:8

Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

Minin nimi 34:3

gusin a lɛ̀gɔn la, kaa bǎã gèlè n die n doɛ ka Sini diə gole laanka Edɔmu gána nɛ. Lɛ̀giala gɔn la, kaa gèlè lɛ n die siɛ tán Yìsi mu kɔsɛ kɔsɛ kɛa lɛ doa ǹ bǎã nɛ gusin a lɛ̀gɔn la,

Timəə dí-pɛn 1:1

Muizu a boon man ka kɛn nɛ, á ǹ pɛ Izirayeli minin tumaa nɛ. Bɛa biikoo li, bɛ̀ maǹ Zurdɛ̃ tà kio don, nyankɔrɔ lɛ kɛ nɛ Suufu kiwi yɔrɔ-a, Paran laanka Tofɛli kiwi biin ni, Laban kiwi ni, Aserɔti kiwi laanka Di-Zahabu kiwi ni, bɛn nə́ ǹ paǹ kɔsɔ-a.

Timəə dí-pɛn 3:17

A lɛ̀nyɛɛn gèlè n boe Zurdɛ̃ tà a nyankɔrɔ lɛ kɛ nɛ, Zenezarɛti tà laanka yìsi mu kɔsɛ kɔsɛ kɛ bii, a wo n doa Pisigaa kele gòã lɛ ganaa lɛ̀giala-n.

Zozoe 12:3

A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn.

Zozoe 15:2

Ǹ gusin a lɛ̀gɔn la a gèlè na á goã siɛ yìsi mu kɔ̀ kɛ lɛ doa ǹ bǎã ganaa, a mui bǎã kɛ nɛ, ǹ mɛn yɔrɔ á ke dia-n gusin a lɛ̀gɔn la.

Zozoe 16:7

A nə n toɛ Yanoa, a gisĩ a da bɔ Atarɔti laanka Naara kiwi, a da n lɔ Zerikoo ganaa, a kiɛ̃ a wo n doa Zurdɛ̃ tà ganaa.

Zozoe 3:13

Dɛnaa Lawa lɛ, kanaa tumaa a Dɛnaa lɛa, wúlu-bɔlen mɛnɛn bɛ́ bɛa lɛ kɔ kɔn la ǹ goo lɛ guĩ, bɛ̀ bɛn gòã tisi mɛ Zurdɛ̃ tà mu lɛ li lɔn gɔrɔ, mu mɛn bɛ́ gisĩ die ka pàã nɛ, bɛ á die n lɛ kuri, a golee bǎã goon ne ka maǹ nə́ bèlèn dɔ nɛ.»

Zozoe 4:22

mà ǹ nə ǹ nɛnyaanan lɛn daraa ǹ pɛ ǹ nɛ kɛnɛn: «Lɛlɛ, Izirayeli minin lɛn man nə́ Zurdɛ̃ tà kɛ lɛ gɔ́ɔ̃ geremaa kuru ǹ nə́ kiɛ̃.

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Sii yɔrɔ-bɔlen 7:22

Bɛn biɛ sɔɔ lɛ lɛn bɛ́ boe, Dɛnaa Lawa toa ǹ dinin nə́ n bɔyaa kɔn li bǎã tumaa nɛ, ǹ nə́ kɔn dɛdɛ ka gɔya san nɛ. Zia-baalin lɛn tumaa baa si yǎa Bɛti-Sitaa, Sereraa paǹ li, ǹ nə́ woo yǎa Abeli-Mewolaa tà lɛ-a, kunu Tabati li.