Zozoe 24:27 - LAWA A BOO SONBORE

²⁷ Zozoe tɔ́n pɛ zaman lɛ tumaa-n kɛnɛn: «Á ke, kɔlɔ kɛ n die goɛ̃ siére lɛa wɔsɛn yɔrɔ-a, a giala, Dɛnaa Lawa boo mɛn tumaa da wɔ nɛ, a ná a tumaa ma. A n die goɛ̃ siére lɛa ka yɔrɔ-a, màn mɛn bɛ́ toɛ, ka baran n piã ka Lawa-n wa.»

LAWA A BOO SONBORE 2011

²⁷ Zozoe tɔ́n pɛ zaman lɛ tumaa-n kɛnɛn: «Á ke, kɔlɔ kɛ n die goɛ̃ siére lɛa wɔsɛn yɔrɔ-a, a giala, Dɛnaa Lawa boo mɛn tumaa da wɔ nɛ, a ná a tumaa ma. A n die goɛ̃ siére lɛa ka yɔrɔ-a, màn mɛn bɛ́ toɛ, ka baran n piã ka Lawa-n wa.»

Zozoe 24:27 Iomraidhean Croise

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Zɔbu 31:28

Bɛ̀ man má bɛ zɛnaa, bɛ̀ kiri-kurulin doamaa nɛ ǹ dɔlɔ bɔ ma ganaa. A giala, a n goon ka man má n piã ka lon a Lawa kɛ nɛ.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Abakuku 2:11

Haalɛ ǹ kion a kigiala kɔlɔn dinin tá re n lɛ dii ǹ ka zɛ̀rɛ baa, ǹ kion a mɛnɛn nə ǹ lɛ si.

Minin nimi 11:20

Sɛnɛ, ka n die soɛ̃ mui goon tumu gɔ́ɔ̃ nɛ, yǎa a n toe ka nɛ, a tìĩ boe ka nyin ni. A giala, Dɛnaa Lawa lɛ n kun ka nɛ, ka ná a puusə kɔ, ka wuu pɛ a yɔrɔ-a ká pɛ: Wàa na á baa wɔsɛn nə́ soo wɔ n bɔ Ezipti gána-n dinin?»

Matiə 10:33

Bɛ̀ min mɛn nə́ n piã ka masɛ nɛ min tumaa yɔrɔ-a, masɛ dɔ á die n piɛ̃ ka bɛa dɛnaa nɛ ma Di Lawa yɔrɔ-a.

Luku 19:40

Yezu nə́ ǹ lɛ si kɛnɛn: «Masɛ n pii ka nɛ, bɛ̀ ǹ nə́ n lɛ tã, kɔlɔn tá re n lɛ dii!»

Timəə dí-pɛn 30:19

Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Timəə dí-pɛn 31:19

Sisia kəni, man die loe nyɛɛ ka nɛ ka kiɛ̃. Muizu ganaa, Izirayeli minin lɛn daraa bɛa loe lɛ a lɔ ganaa, yǎa ǹ boe la ǹ loe. Bɛa loe lɛ n die siére biɛ ǹ ganaa masɛ wɔ paǹ li.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Timəə dí-pɛn 31:26

«Ka dí-pɛn sɛ́wɔ kɛ si, ka koa kaa Lawa, Dɛnaa Lawa a lɛ kɔ kɔn la ǹ goo lɛ li. A n die goɛ̃ walan, a siére pɛ ka ganaa, masɛ wɔ paǹ li.

Timəə dí-pɛn 32:1

Lon mànan lɛn, ka n too kɔ, man die boo diɛ, tán mànan dɔn, ka n too kɔ ma lɛ gɔ́ɔ̃ ǹ boon li.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Zozoe 22:34

Bɛ lɛ na á toa, Urubɛn tɔrɔn laanka Gaadi tɔrɔn lɛn nə́ tɔ́n bɛa wúlu bɔ ǹ bǎã lɛ bii mà «siére.» A n nyɛɛ mà Dɛnaa Lawa din nə Lawa taãn lɛa.

Zozoe 24:28

Bɛ kio, Zozoe nə́ n gɔn bɔ zaman lɛ ganaa. Didie wusoo á woo a bǎã nɛ.

Sii-nyaan 3:8

Ma á n nya ǹ dí doɛ̃. Ma á doɛ̃ máa n pàã a tɛ wa, sɛnɛ, ń maa boo lɛ si, n nə n piã ka ma-n wa. Ma á ke, má kiɛnlɛ bũ, má koa n nyɛɛnɛ, min kɔ́n ná a boe la a tã wa.

Samayeli1 7:12

Samayeli kɔlɔ saa á da tán Misipaa laanka Sɛni kiwi bii ni á ná a tɔ kɔ mà Ebɛn-Ezɛrɛ bɛ̀ á n pii: «Lawa nə́ ǹ dɔ wɔsɛn lɛ yǎa kànaa.»