Zozoe 24:20 - LAWA A BOO SONBORE

²⁰ A giala, bɛ̀ ka Dɛnaa Lawa toa walan, ká tɔrɔ kɔsɔn dìn guguru kɔ, a laanɛ á bǐɛ̃ zɛnaa ka nɛ, a n die n bɔyɛɛ ka li bɛ kio, a baraa zɛnaa ka nɛ, a ka dɛ a ka nya.»

LAWA A BOO SONBORE 2011

²⁰ A giala, bɛ̀ ka Dɛnaa Lawa toa walan, ká tɔrɔ kɔsɔn dìn guguru kɔ, a laanɛ á bǐɛ̃ zɛnaa ka nɛ, a n die n bɔyɛɛ ka li bɛ kio, a baraa zɛnaa ka nɛ, a ka dɛ a ka nya.»

Zozoe 24:20 Iomraidhean Croise

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Loen 89:31

Bɛ̀ a nɛnyaanan nə́ n wɔlɔ lui maa landa boon ganaa, ǹ nə́ ǹ ba koe maa sii yɔrɔ bɔ ǹ boon kɛn lɛ wa,

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Ebrəə 10:38

Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»

Zozoe 24:21

Zaman lɛ wusoo á pɛ Zozoe ne: «N bɛ́ màn mɛn pii, taãn nɛ. Sɛnɛ, wɔsɛn man die dí nyɛɛ Dɛnaa Lawa nɛ.»

Samayeli1 12:15

Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.

Samayeli1 12:25

Sɛnɛ, bɛ̀ ká sii baraa zɛnaa, ka tá re bɔ̀n biɛ, ka dinin laanka kaa kii lɛ nɛ.»