Zozoe 24:19 - LAWA A BOO SONBORE

¹⁹ Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

LAWA A BOO SONBORE 2011

¹⁹ Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Zozoe 24:19 Iomraidhean Croise

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Loen 99:3

Min tumaa die a n tɔ bɔ, n tɔ gole ke, nyɛ́ɛ diɛ. Sonbore, n tá siĩni.

Loen 99:5

Ka wɔsɛn Dɛnaa Lawa kɛ a golebaa pɛ, ka kaa tán, a gòãn kaa ǹ yoron kɛ li. Sonbore, Dɛnaa Lawa lɛ á siĩni.

Loen 99:9

Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Izayii 2:9

Sìi á re minbuiin nɛ kuĩ, minbuiin nɛ tumaa á re n mìi kumii. N nyan nə ǹ saa n nə ǹ da lon wa Dɛnaa Lawa!

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Lawa a wúlu-bɔlen 19:2

Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.

Lawa a wúlu-bɔlen 20:26

Ka goã ma din wɔn lɛa yoreene. A giala, Dɛnaa Lawa dinmaa n yoreene. Ma din ni má ka na má ka bɔ kɔn ka tɔrɔ kɔsɔn nɛ, màn mɛn bɛ́ toɛ, ka maa wɔn baa.

Lawa a wúlu-bɔlen 20:7

Ka ka dinin kũ Lawa wɔn lɛa, ka goã *yoreene. A giala, masɛ din Dɛnaa Lawa n kaa Lawa lɛa.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Zozoe 24:18

Dɛnaa Lawa din na á bɛa tɔrɔn kɛn lɛn tumaa loo á ǹ bɔ wɔ nyɛɛnɛ, ka Amɔɔrɔ tɔrɔn kɛn dɔn dinin ni giã-n gána lɛ nɛ. Bɛ lɛ n ke, wɔ dɔn man die dí nyɛɛ Dɛnaa Lawa nɛ, a giala, a din nə wɔsɛn Lawa lɛa.»

Zozoe 24:23

Zozoe tɔ́n pɛ: «A bɛ́ miɛ̃, tɔrɔ kɔsɔn dìn kɛn, ka bɛn goa ka ǹ bɔ ka dinin li, ka kaa taasiɛ doa Dɛnaa Lawa, Izirayeli minin Lawa ganaa.»

Uruti 1:15

Naomii tɔ́n pɛ Uruti ni: «N miã lɛ bɛ́ ke á wusoo á woo a tɔrɔ minin li, á woo a dìn kio, n dɔ wusoo n na a kio saa.»

Samayeli1 3:14

Bɛ lɛ na á toa, man liɛ kɛ we Elii a kion li: Wúlu màn hinlaa Lawa gɔ ǹ màn kɔn ba re boe la duduu, a Elii a kion lɛ a sã tuturu wa.»

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»