Zozoe 24:17 - LAWA A BOO SONBORE

¹⁷ A giala, Dɛnaa Lawa din nə wɔsɛn Lawa lɛa. A din na á wɔsɛn laanka wɔ digolon waa Ezipti, á wɔ bɔ Ezipti gána a bɛ̀rɛbaa nɛ. A din lɛ na á kaãbaa ǹ sii dadaran kɛn zɛnaa wɔsɛn yii ni: Wɔsɛn nə zii tɔ mɛn tumaa wɔ, wɔsɛn nə bɔ tɔrɔ kɔsɔn mɛnɛn tumaa bii wɔ́ kiɛ̃, Dɛnaa Lawa din na á wɔ tamaa bɛ tumaa gɔ́ɔ̃ nɛ.

LAWA A BOO SONBORE 2011

¹⁷ A giala, Dɛnaa Lawa din nə wɔsɛn Lawa lɛa. A din na á wɔsɛn laanka wɔ digolon waa Ezipti, á wɔ bɔ Ezipti gána a bɛ̀rɛbaa nɛ. A din lɛ na á kaãbaa ǹ sii dadaran kɛn zɛnaa wɔsɛn yii ni: Wɔsɛn nə zii tɔ mɛn tumaa wɔ, wɔsɛn nə bɔ tɔrɔ kɔsɔn mɛnɛn tumaa bii wɔ́ kiɛ̃, Dɛnaa Lawa din na á wɔ tamaa bɛ tumaa gɔ́ɔ̃ nɛ.

Zozoe 24:17 Iomraidhean Croise

KZS2 13:10

Sɛnɛ, Dɛnaa Lawa n wɔsɛn Lawa lɛa, wɔ n la bɔ a ganaa wa. Lawa a wúlu-bɔlen mɛnɛn bɛ́ Dɛnaa Lawa a dí nyɛɛ, Aarɔn tɔrɔn manɛ, Levii tɔrɔn dɔn nɛ, ǹ nya ǹ dí nyɛɛ.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Izayii 46:4

Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Timəə dí-pɛn 29:2

A nɔmaa dadaran mɛnɛn kaa ǹ mìi ni, a kaãbaa ǹ sii dadaran mɛnɛn zɛnaa, ka yii bɛ́ á yɛ.

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.

Zozoe 24:16

Zaman lɛ tɔ́n Zozoe lɛ si á pɛ: «Wɔsɛn nə Dɛnaa Lawa toa walan mà wɔ n dí nyɛɛ dìn manɛ, Lawa die a wɔ kanbaa bɛ ganaa!

Zozoe 24:18

Dɛnaa Lawa din na á bɛa tɔrɔn kɛn lɛn tumaa loo á ǹ bɔ wɔ nyɛɛnɛ, ka Amɔɔrɔ tɔrɔn kɛn dɔn dinin ni giã-n gána lɛ nɛ. Bɛ lɛ n ke, wɔ dɔn man die dí nyɛɛ Dɛnaa Lawa nɛ, a giala, a din nə wɔsɛn Lawa lɛa.»