Zozoe 24:16 - LAWA A BOO SONBORE

¹⁶ Zaman lɛ tɔ́n Zozoe lɛ si á pɛ: «Wɔsɛn nə Dɛnaa Lawa toa walan mà wɔ n dí nyɛɛ dìn manɛ, Lawa die a wɔ kanbaa bɛ ganaa!

LAWA A BOO SONBORE 2011

¹⁶ Zaman lɛ tɔ́n Zozoe lɛ si á pɛ: «Wɔsɛn nə Dɛnaa Lawa toa walan mà wɔ n dí nyɛɛ dìn manɛ, Lawa die a wɔ kanbaa bɛ ganaa!

Zozoe 24:16 Iomraidhean Croise

Loen 119:106

Masɛ nə́ n lɛ kɔ, máa man die koe n sii yɔrɔ bɔ ǹ boo peperen kɛn lɛ. Ma màn mɛn pɛ, man die a lɛ piɛ̃.

Rɔmu minin 3:6

Haayii! Lawa a kɔkɔrɔ duduu wa. Bɛ bie wa, a ba boe la a kiri kuru kanaa la wa.

Rɔmu minin 6:2

Haayii dɛ! Wɔsɛn man goon kanna ka geren ne, sii baraa wɔ a paǹ li. Wàa n die toɛ wɔ sii baraa zɛnaa doo?

Zozoe 22:29

Wɔ bie wɔ́ wúlu bɔ ǹ bǎã kɛ dɔ wúlu màn tiɛ̃ a lɛa wa. Wɔ bie re Lawa gɔ ǹ wúlu laanka wúlu tɔrɔ kɔsɔn boe la wa. Wɔ bie wɔ́ dɔ wɔ́ n die n piɛ̃ ka Dɛnaa Lawa nɛ, wɔ n wusii n boe a kio wa. Bɛa taasiɛ ba wɔsɛn yiri-n duduu wa. Bɛ̀ á n bɔ Dɛnaa Lawa din a wúlu bɔ ǹ bǎã kɛ nɛ a giã ǹ bǎã sonbore kɛ yɔrɔ-a, wɔsɛn ba li wɔ wúlu bɔ bǎã kɔsɔ-n wa.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Zozoe 24:17

A giala, Dɛnaa Lawa din nə wɔsɛn Lawa lɛa. A din na á wɔsɛn laanka wɔ digolon waa Ezipti, á wɔ bɔ Ezipti gána a bɛ̀rɛbaa nɛ. A din lɛ na á kaãbaa ǹ sii dadaran kɛn zɛnaa wɔsɛn yii ni: Wɔsɛn nə zii tɔ mɛn tumaa wɔ, wɔsɛn nə bɔ tɔrɔ kɔsɔn mɛnɛn tumaa bii wɔ́ kiɛ̃, Dɛnaa Lawa din na á wɔ tamaa bɛ tumaa gɔ́ɔ̃ nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.