Zozoe 24:11 - LAWA A BOO SONBORE

¹¹ «Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

LAWA A BOO SONBORE 2011

¹¹ Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 24:11 Iomraidhean Croise

Siin Giala 15:19

Kenii minin kiwi na a nɛ, Kenizi minin wɔ nɛ, Kadimon minin wɔ nɛ,

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 114:3

Ǹ bɛ́ ǹ nə́ Izirayeli nɛnyaanan lɛn yɛ, yìsi mu gole kɛa mu baa si á papaã, Zurdɛ̃ tà kɛa mu wusoo a kio ne.

Loen 114:5

Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 23:23

Maa lon a dia dí-a wole lɛ n die ka nyɛɛnaan boe, a wɔ ka-n gána kɛ nɛ, Amɔɔrɔ minin laanka Ɛti minin wɔ lɛa, ka Perɛzi minin ni, Kanaan minin ni, Ivii minin ni ka Zebuzu minin ni. Ma á re bɛa tɔrɔn kɛn lɛn dii, ma ǹ bɔ ka nyɛɛnɛ.

Bɔ bɛ̀rɛbaa nɛ 23:28

Ma á re sìnbìrin diɛ ka nyɛɛnɛ, ǹ Ivii minin loo, ǹ nə ǹ bɔ ka nyɛɛnɛ, ka Kanaan minin laanka Ɛti minin ni.

Bɔ bɛ̀rɛbaa nɛ 23:31

Kaa gána lɛ a golebaa n die boe Sawɛɛ tà kɛ ganaa, a wo Filisiti minin tà gole kɛ yaa, a bɔ Sinayii don kɛ dɔ ganaa, a wo Efrati tà kɛ yaa. Bɛ̀ masɛ gána lɛ a minin kɔ ka la ǹ mɛn waáraa, ka ǹ loo, ka ǹ bɔ ka nyɛɛnɛ,

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Nya ǹ dín 13:19

Bɛ kio, a bɛ́ á tɔrɔ sɔbaa dɛ á bɔ ǹ nyɛɛnɛ Kanaan gána nɛ, á tán lɛ tatala kɔn-a ǹ bii, á ǹ wɔ baa.

Nya ǹ dín 7:45

Mɔnaa kion lɛ bɛ́ á n kɔ bɛa digolon kɛn kiodɛnan la, bɛn nə́ wɔ nɛ Kanaan gána nɛ, Zozoe nə ǹ nyɛɛnaan bɔ, ǹ nə́ wɔ gána mɛn nɛ, bɛ̀ Lawa bɛ́ tɔrɔ kɔsɔn lui boe ǹ nyɛɛnɛ. Wɔ digolon kɔsɔn mɛnɛn nə́ da bɛn kio, maǹ nə́ toa bɛn dɔn gɔn. A na á n zɛnaa miɛ̃ yǎa á daa dɔ wɔ digolon kɛn ganaa kii Davida a biikoo li.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Zozoe 4:1

Zaman lɛ tumaa bɛ́ á Zurdɛ̃ tà kuru á nya, Dɛnaa Lawa pɛ Zozoe ne:

Zozoe 4:19

Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.

Zozoe 4:23

A giala, Dɛnaa Lawa lɛ, kaa Lawa lɛa, bɛ na á Zurdɛ̃ tà lɛ a mu piɛ̃ á bɔ ka nyɛɛnɛ, yǎa ka kiɛ̃ ka nya. Dɛnaa Lawa lɛ, kaa Lawa lɛa, a na á zɛnaa miɛ̃ Sawɛɛ tà dɔ lɛ-a, á ná a mu piɛ̃ á bɔ ka nyɛɛnɛ, yǎa ka kiɛ̃ ka nya.

Zozoe 9:2

ǹ tumaa nə́ n sɔkɔn, ǹ nə́ n lɛ kaa kun, mà maǹ woe zia biɛ Zozoe laanka Izirayeli minin lɛn ganaa.