Zozoe 23:7 - LAWA A BOO SONBORE

⁷ Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

LAWA A BOO SONBORE 2011

⁷ Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

Zozoe 23:7 Iomraidhean Croise

Kiin2 17:12

Ǹ nə́ dìn guguru kɔ. A da yaa Dɛnaa Lawa na á goã á pɛ ǹ nɛ mà ǹ baran toa ǹ bɛ zɛnaa wa.

Kiin2 5:18

Sɛnɛ, sii goon nə ke, Dɛnaa Lawa die a bɛa sã toa ma nɛ: Bɛ̀ maa kii lɛ tá we dì Riimɔn kɛa kion, a tá a guguru koe, a nə n doɛ masɛ nyàa ganaa, masɛ dɔ n kiɛ tán dì Riimɔn a kion lɛ nɛ. Ma bɛ́ re bɛa kaa tán kɛ lɛ we dì Riimɔn lɛ a kion, Dɛnaa Lawa die a sabara baa a bɛa sii lɛ a sã toa ma nɛ.»

KZS2 7:19

Sɛnɛ bɛ̀ ka n piã ka masɛ nɛ, ma gɔn waa ǹ boon mɛnɛn laanka landa boon mɛnɛn kɔ ka la bɛ̀ ka ǹ tamaa wa, bɛ̀ ka woo dí nya guguru kɔ ǹ mànan kɔsɔn manɛ, bɛ̀ ka kaa tán bɛn giulun,

Loen 16:4

Sɛnɛ, man pii kanna máa min mɛnɛn bɛ́ baa sii lawa kɔsɔn kio, bɛa dɛnan nɔmaa a nyɛɛ wa. Masɛ á re *wúlu màn mà kiɛ ǹ ganaa doo wa. Haalɛ, ma á re ǹ boo din diɛ ka ma lɛ-n doo wa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 23:13

«Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Bɔ bɛ̀rɛbaa nɛ 23:33

Ka nyan toa ka goã kunun ǹ ni kaa gána lɛ-n wa. Màn mɛn bɛ́ toɛ, ǹ baran ka da sii baraa zɛnaa ganaa, ka wɔ masɛ lon wa. Bɛ bie wa, ka tá re ǹ dìn guguru koe, bɛ á re kan biɛ a ka kũ.»

Suusun 4:14

N nyan min bɔnɛɛn giã ǹ gɔn lɛn zɔɔ̃ wa. N nyan kɔ sii baraa-zɛnaalin zii lɛ wa.

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Ozee 2:17

Ma á re wusii ma a rezɛ̃ wuru kɛ kɔ la walan, Koe nyankɔrɔ ke a tɔ n Akɔɔrɔ, ma á re bɛ biɛ foo doa ǹ bǎã lɛa. Á re koe ma lɛ walan ka a nɛniɛmaa waáraa kɛ bɛ́ lɔn, ka a soo Ezipti gána-n biikoo kɛ bɛ́ lɔn.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Minin nimi 32:38

Neboo kiwi ni, Baali-Mehɔn kiwi ni, ka Sibma kiwi ni. Ǹ wusoo ǹ nə́ kiwin mɛnɛn lɛn dɔ, ǹ nə́ tɔ dii wɔ ǹ tɛnɛn ganaa.

Minin nimi 33:55

Sɛnɛ, bɛ̀ ka gána lɛ a minin tumaa loo ǹ nə́ ǹ bɔ ka nyɛɛ́n wa, ka bɛ́ re kaa min mɛnɛn toɛ walan, bɛn maǹ die goɛ̃ ka nyan bɛ́ lɔn ka yii ni, ka kiɛnɛn bɛ́ lɔn ka gánà nɛ. Maǹ die boe ka yii ni bɛa gána kɛ lɛ nɛ, ka n die giɛ̃ a nɛ.

Korɛnti1 15:33

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Efɛɛzi minin 5:11

Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Timəə dí-pɛn 10:20

Ka nyɛ́ɛ baa kaa Lawa, Dɛnaa Lawa yii ni, ka dí nya nɛ, ka n naa a din lɛ ganaa, ka n liɛ ka a din lɛ tɔ nɛ.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Timəə dí-pɛn 6:14

Tɔrɔ kɔsɔn mɛnɛn bɛ́ ka lɛnpɛnɛ, ka nyan toa ka bɛn dìn guguru kɔ wa.

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Zozoe 23:8

Sɛnɛ, Dɛnaa Lawa lɛ, kaa Lawa lɛa, ka n doa kɔn ka bɛ lɛ nɛ, ka ka bɛ́ ka zɛnaa lɔn, yǎa á daa kaa pelo lɛ.