Zozoe 23:4 - LAWA A BOO SONBORE

⁴ Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.

LAWA A BOO SONBORE 2011

⁴ Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.

Zozoe 23:4 Iomraidhean Croise

Loen 105:11

A na á pɛ a gɔ́ɔ̃-n kɛnɛn: Man die Kanaan gána kɛ koe n la, a kaa wɔ baa.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Bɔ bɛ̀rɛbaa nɛ 23:30

Man die kaa zɔ́ɔn lɛn lui ka nyɛɛnɛ boɛboɛ, yǎa a woe doe ka dinin mɔnaa ganaa, ka gána lɛ si ka giã a nɛ.

Sofonii 3:6

Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Timəə dí-pɛn 12:29

Ka bɛ́ woe bǎã mɛn lɛ nɛ, tɔrɔn mɛnɛn bɛ́ giã-n walan ka n die ǹ lui, kaa Lawa, Dɛnaa Lawa á die ǹ dii a ǹ bɔ ka nyɛɛnɛ. Ka á re ǹ gána lɛ sii ǹ la, ka giã a nɛ.

Zozoe 13:2

Gána lɛ a paǹ mɛn goã, bɛ n ka kɛ nɛ: Filisiti minin bǎãn kɛn tumaa ka Gesuuru tɔrɔn kɛn bǎã tumaa nɛ.

Zozoe 18:10

Zozoe nə́ n pã bɛa bǎãn lɛn ganaa, Dɛnaa Lawa yɔrɔ-a Siiloo, á tɔ́n gána lɛ gii Izirayeli minin lɛn bii, á tɔrɔ gogoonmaa wɔ gii kɔ la.

Sii yɔrɔ-bɔlen 2:21

Bɛ lɛ nɛ, masɛ a die tɔrɔn kɛn lɛn kɔn lui ma bɔ ǹ nyɛɛn doo wa, Zozoe nə ǹ mɛnɛn lɛn toa ǹ bǎã nɛ á tɔ́n gã.