Zozoe 23:3 - LAWA A BOO SONBORE

³ Dɛnaa Lawa lɛ, kaa Lawa lɛa, bɛ sii mɛn tumaa zɛnaa tɔrɔn kɔsɔn kɛn lɛn nɛ kaa lɛa, ka dininmaan bɛ́ ka a tumaa yɛ. A giala, Dɛnaa Lawa lɛ, kaa Lawa lɛa, a din na á yɔ bɔ kaa lɛa.

LAWA A BOO SONBORE 2011

³ Dɛnaa Lawa lɛ, kaa Lawa lɛa, bɛ sii mɛn tumaa zɛnaa tɔrɔn kɔsɔn kɛn lɛn nɛ kaa lɛa, ka dininmaan bɛ́ ka a tumaa yɛ. A giala, Dɛnaa Lawa lɛ, kaa Lawa lɛa, a din na á yɔ bɔ kaa lɛa.

Zozoe 23:3 Iomraidhean Croise

Bɔ bɛ̀rɛbaa nɛ 14:14

Dɛnaa din nə die kaa zia gii diɛ. Kasɛn nə giã ka kiĩni!»

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Malakii 1:5

Kasɛn Izirayeli minin ka á re bɛ tumaa yii, ka á re pii: «Dɛnaa Lawa nə́ n pàã nyaa á Izirayeli gána a gèlè la bɔ nɛ.»

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 7:17

Kɔntan ka á re taasɛ ka gɔ́ɔ̃ nɛ, mà tɔrɔn kɛn lɛn tá gigiã ǹ nə́ la kasɛn manɛ, mà kasɛn man siɛ lɔn, ka boo ǹ la, ka ǹ loo?

Timəə dí-pɛn 7:24

Á re ǹ kiin we ka gɔn. Ka die ka bɛn dɛ, ka ǹ bɔ kanaa. Ǹ kɔn din ba re boe la a golee ka nyɛɛn wa. Ka á re ǹ tumaa dii ka ǹ nya.

Zozoe 10:14

Dɛnaa Lawa minbuiin nɛ lɛ si bɛa pinaa lɛ nɛ. Bɛa lɛawaa lɛ miã tɔn yɛ wa. A yɛ lɛlɛ wa, a re yii a kio dɔ-n wa. A giala, Dɛnaa Lawa na á goã zia biɛ Izirayeli minin lɛn lɛa.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 23:10

Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.