Zozoe 23:15 - LAWA A BOO SONBORE

¹⁵ Dɛnaa Lawa lɛ, kaa Lawa lɛa, a goã á boo kɔɔ̃n mɛn tumaa da ka nɛ, a bɛ tumaa a sii zɛnaa ka-n lɔn ke, a boo baraa mɛn tumaa dɔ da kaa wɔ paǹ li, á die bɛ dɔ a sii zɛnɛɛ. Kaa Lawa, Dɛnaa Lawa lɛ n die goɛ̃ bɛa zɛnaa la miɛ̃, yǎa a ka dii a ka boe bǎã sonbore kɛ nɛ, a din bǎã mɛn lɛ kɔ ka la.

LAWA A BOO SONBORE 2011

¹⁵ Dɛnaa Lawa lɛ, kaa Lawa lɛa, a goã á boo kɔɔ̃n mɛn tumaa da ka nɛ, a bɛ tumaa a sii zɛnaa ka-n lɔn ke, a boo baraa mɛn tumaa dɔ da kaa wɔ paǹ li, á die bɛ dɔ a sii zɛnɛɛ. Kaa Lawa, Dɛnaa Lawa lɛ n die goɛ̃ bɛa zɛnaa la miɛ̃, yǎa a ka dii a ka boe bǎã sonbore kɛ nɛ, a din bǎã mɛn lɛ kɔ ka la.

Zozoe 23:15 Iomraidhean Croise

Kiin1 14:15

Dɛnaa Lawa tá re dɔlɔ boe Izirayeli gána ganaa, a tá re bìn diɛ ka kɔ̀buu bɛ́ bìn diɛ lɔn. Dɛnaa Lawa n die tán sonbore kɛ kuĩ a si Izirayeli minin la, tán mɛn lɛ bɛ́ á kɔ ǹ digolon la. A tá re ǹ sawɛɛ a ǹ kaa Efrati tà kɛ kio, a giala, ǹ nə́ dì gɔnɔn zɛnaa guguru kɔ ǹ mànan lɛa, ǹ nə́ wɔ Dɛnaa Lawa lon.

Kiin1 8:56

«Barka tá Dɛnaa Lawa ganaa asɛ mɛn bɛ́ á susu ǹ bǎã kɔ a zaman Izirayeli minin la á kɔnpɛ ka a da ǹ boo nɛ. A na a dí-nyali Muizu da boo sonbore mɛn diɛ ganaa, bɛ kɔn nə goã mà a lɛ ná a pã wa.

Izayii 24:6

Bɛ lɛ taman yii, Dɛnaa Lawa lɛn baraa bíi tán li. Bɛ lɛ a dɔlɔ n ke minbuiin nɛn mìi ni. Bɛ lɛ nɛ kanaa minin nə́ papaã, ǹ nə́ kiɛɛrɛ kɔ.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 32:42

Dɛnaa Lawa n kɛ pii doo: «Ma din ni má koe gole kɛ tumaa da Zudaa gána mìi ni. A din yɔrɔ goon la, ma n lɛ kɔ ǹ la ka yii-nyɛɛ gole mɛn nɛ, ma din nə die bɛ dɔ koe ǹ la.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Lawa a wúlu-bɔlen 26:3

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Sii yɔrɔ-bɔlen 13:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa nə́ ǹ wɔ Filisiti minin gɔn lɛ̀ pusi gɔ́ɔ̃ nɛ.

Sii yɔrɔ-bɔlen 3:12

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa Moabun kii Egulɔn foo taã á da Izirayeli minin lɛn ganaa. A giala, ǹ goã sii mɛn zɛnɛɛ, bɛ na á goã baraa Dɛnaa Lawa yii li.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.

Sii yɔrɔ-bɔlen 6:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Bɛ lɛ nɛ, Dɛnaa Lawa tɔ́n nə ǹ kɔ Madiã minin la, lɛ̀ sɔbaa gɔ́ɔ̃ nɛ.