Zozoe 23:13 - LAWA A BOO SONBORE

¹³ ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

LAWA A BOO SONBORE 2011

¹³ ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Zozoe 23:13 Iomraidhean Croise

Kiin1 11:4

Sonbore, Salomɔn bɛ́ á zizi kɔ ǹ mɛn waáraa, a lɔn lɛn ná a yiri bɔyaa ǹ nə́ da dìn guguru kɔ ganaa. A taasiɛ goã dia-n a Lawa, Dɛnaa Lawa lɛ la taãn doo, ka ǹ di Davida wɔ goã lɔn wa.

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 25:21

Baabilonii gána a kii lɛ tɔ́n nə ǹ dɛ ǹ nə́ gã Ribla kiwi, Amaati gána nɛ. Maǹ nə́ Zudaa minin goa ka bɛa yɔrɔ lɛ nɛ, ǹ nə́ woo ǹ ne ǹ wɔlɔ n lui ni ǹ gána ganaa.

Kiin2 25:26

Zaman lɛ tumaa, doobaan laanka pàãman nɛ, sɔraasi mìilandɛnan nɛ, ǹ nə́ bɔ ǹ nə́ kaa zii la, ǹ nə́ woo Ezipti gána nɛ, a giala man nə́ goã nyɛ́ɛ biɛ Kalde minin lɛn manɛ.

Loen 69:22

Bɛ̀ ma á màn bii, maǹ sèwò baraa kiɛ li, bɛ̀ ma á giɛ mu li, maǹ yɔ pipiã koe ma la.

Bɔ bɛ̀rɛbaa nɛ 10:7

Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»

Bɔ bɛ̀rɛbaa nɛ 23:33

Ka nyan toa ka goã kunun ǹ ni kaa gána lɛ-n wa. Màn mɛn bɛ́ toɛ, ǹ baran ka da sii baraa zɛnaa ganaa, ka wɔ masɛ lon wa. Bɛ bie wa, ka tá re ǹ dìn guguru koe, bɛ á re kan biɛ a ka kũ.»

Bɔ bɛ̀rɛbaa nɛ 34:12

Ka n dinin kũ, ka bɛ́ woe gána mɛn nɛ, ka baran toa ka lɛ kɔ kɔn la wɔ ka bɛa minin ni wa. Bɛ̀ ka bɛ zɛnaa, bɛ n die kan biɛ ka bii.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Ezekieli 28:24

Bɛ kio, nyan ba re Izirayeli minin kɛn toɛ̃ doo wa, nyan ba re ǹ gòã foɛ̃ doo wa, min mɛnɛn dɔn bɛ́ ǹ lɛnpɛnɛ, bɛn kɔn dɔ a re ǹ puusə koe doo wa. Ǹ tá re doɛ̃ ka bɛ lɛ-n kəni, mà masɛ din nə Dɛnaa Lawa gole lɛa.

Minin nimi 33:55

Sɛnɛ, bɛ̀ ka gána lɛ a minin tumaa loo ǹ nə́ ǹ bɔ ka nyɛɛ́n wa, ka bɛ́ re kaa min mɛnɛn toɛ walan, bɛn maǹ die goɛ̃ ka nyan bɛ́ lɔn ka yii ni, ka kiɛnɛn bɛ́ lɔn ka gánà nɛ. Maǹ die boe ka yii ni bɛa gána kɛ lɛ nɛ, ka n die giɛ̃ a nɛ.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timəə dí-pɛn 30:18

ka á re papaɛ̃ ka n bɔ kànaa, sàabaa ba la wa. Man bɛ pii ka-n pelo. Ka bɛ́ re Zurdɛ̃ tà kuri ká n woe kiɛ bǎã mɛn lɛ nɛ, ká n die sii ka baa kaa wɔ lɛa, ka n ka a re beleboe walan wa.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Timote2 2:26

*Sɛtaan nə kan mɛn koa ǹ nɛ, á ǹ kũ, á ǹ baa a din foo sii zɛnaalin lɛa, ǹ dɔn tá boe la ǹ yiri yɛ, ǹ nə n si bɛ la.

Sii yɔrɔ-bɔlen 2:21

Bɛ lɛ nɛ, masɛ a die tɔrɔn kɛn lɛn kɔn lui ma bɔ ǹ nyɛɛn doo wa, Zozoe nə ǹ mɛnɛn lɛn toa ǹ bǎã nɛ á tɔ́n gã.