Zozoe 23:12 - LAWA A BOO SONBORE

¹² Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

LAWA A BOO SONBORE 2011

¹² Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Zozoe 23:12 Iomraidhean Croise

Siin Giala 2:24

Bɛ lɛ na á toa, giĩ á re n niɛ a n bɔ ǹ di laanka ǹ dan ganaa, a n doa kɔn ka a lɔ nɛ, ǹ nə n baa goon.

Siin Giala 34:3

Diinaa sii kɔɔ̃n kɔ Sisɛmu ganaa parsiini. Á nɛnɛn lɛ narɛ, á bebele yǎa a gɔn dɔ a ganaa.

Kiin1 11:2

A da yaa bɛa gánan kɛn lɛn, ǹ nə́ ǹ ba Lawa doɛ̃ wa, Dɛnaa Lawa goã á boo da ka Izirayeli minin ni, ǹ wɔ paǹ li. Mà ǹ baran n lɔlɔkɔn ka bɛa gánan kɛn lɛn minin ni wa, mà bɛa gánan kɛn lɛn minin dɔn baran n ǹ lɔlɔ ǹ ganaa wa. A giala mà ǹ tá re ǹ yiri bɔyɛɛ ǹ nə ǹ kaa ǹ dìn guguru kɔ ganaa. Bɛa gánan kɛn lɛn manɛ, Salomɔn sɛ́ dama ǹ ganaa lɔn kɔɔ̃n kɔma-a taman yii.

Kiin1 11:4

Sonbore, Salomɔn bɛ́ á zizi kɔ ǹ mɛn waáraa, a lɔn lɛn ná a yiri bɔyaa ǹ nə́ da dìn guguru kɔ ganaa. A taasiɛ goã dia-n a Lawa, Dɛnaa Lawa lɛ la taãn doo, ka ǹ di Davida wɔ goã lɔn wa.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Matiə 12:45

A n nɔmiɛ a wo nɔ̀ɔn sɔbaa kɔsɔ kũ a da ǹ nɛ, ǹ mɛnɛn bɛ́ baraa ǹ nə́ la a din ni, ǹ da giã walan kun. Bɛ kio kəni, bɛa dɛnaa lɛ a sisiamaa n baraa koe a la a lɛlɛ ǹ nɛ. Pelo minbuiinin kɛn lɛn man die goɛ̃ miɛ̃.

Zaã a sɛ́wɔ 6:66

A kũ bɛ lɛ ganaa, a kialandɛnaa gigiã nə́ n na ǹ nə́ n bɔ a ganaa, ǹ ná a kɔmalɛ lɛ da.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Timəə dí-pɛn 7:3

Ka nyan toa kɔn-wɔ ka kaa kun wa: ka nyan kaa nɛlɔn kɔ ǹ nɛgiĩn la wa, ka baran ǹ dɔn nɛlɔn goa, ka ǹ kɔ kaa nɛgiĩn la wa.

Timəə dí-pɛn 7:4

Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Zozoe 23:11

Bɛ lɛ nɛ, ka n yiri koa ka dinin li taãn-taãnɛ, ka kaa Lawa, Dɛnaa Lawa lɛ narɛ.

Zaã1 2:9

Min mɛn bɛ́ pii, mà asɛ n wɔlɔ fúlu li, ǹ dɔɔ̃n tìĩ n tɔn boe-n a nyin ni, bɛ n tɔn wɔlɔ tì li.

Sii yɔrɔ-bɔlen 14:3

Ǹ di laanka ǹ dan tɔ́n pɛ nɛ: «Lɔ na a ba wɔ dɔɔ̃nɔn nɛlɔn kɛn laanka ma tɔrɔn kɛn bii wa, yǎa n woe lɔ siɛ Filisiti min soroman kɛn li?» Sɛnɛ, Sansɔn pɛ ǹ di ni mà a bɛ lɛ saa a kɔ asɛ la, a giala, mà bɛ lɛ sii n kɔɔ̃n asɛ ganaa.

Sii yɔrɔ-bɔlen 3:6

Ǹ nə́ bɛa tɔrɔn lɛn nɛlɔn goa lɔn lɛa, ǹ dɔn nə́ ǹ nɛlɔn kɔ bɛn nɛgiĩn la. Ǹ nə́ dí nya ǹ lawan manɛ.