Zozoe 23:10 - LAWA A BOO SONBORE

¹⁰ Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.

LAWA A BOO SONBORE 2011

¹⁰ Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.

Zozoe 23:10 Iomraidhean Croise

Samayeli2 23:8

Min mɛnɛn nə goã zia-baali babaraan lɛa kun ka Davida nɛ, bɛn man ka kɛn nɛ: Zosɛbu-Basebɛti mɛn bɛ́ boe Akimonii kiwi. Zia-baali dadaran lɛn nyɛɛnaandɛnaa goon ne. Etnii tɔrɔ nɛ, ǹ tá bii Adinoo, a din lɛ na á min biɛ kiwisi dɛ zia goon gɔ́ɔ̃ nɛ.

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS1 5:22

Ǹ nə́ goã ǹ nə́ zɔ́ɔn lɛn min didi dɔ dɛ. Bɛ na á goã á n zɛnaa, a giala bɛa zia lɛ na á goã boe Lawa li. Bɛ kio, ǹ nə́ giã Agaara tɔrɔn lɛn bǎã nɛ, ǹ nə́ goã walan yǎa wo bɛ̀rɛbaa ǹ bǎã-n kɛa biikoo li.

Loen 35:1

Davida a loe n ke. Dɛnaa Lawa, min mɛnɛn bɛ́ ma zɛ̀rɛ biɛ, bɛn zɛ̀rɛ baa, min mɛnɛn bɛ́ zia diɛ ma ganaa, zia da bɛn ganaa.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Bɔ bɛ̀rɛbaa nɛ 14:14

Dɛnaa din nə die kaa zia gii diɛ. Kasɛn nə giã ka kiĩni!»

Izayii 30:17

Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Lawa a wúlu-bɔlen 26:7

Ka á re kaa zɔ́ɔn lɛn kio lui, ka ǹ dɛ, ka ǹ kaa tán.

Lawa a wúlu-bɔlen 26:8

Kaa min sooro á die kaa zɔ́ɔn lɛn min paabiɛ lui, kaa min paabiɛ á die kaa zɔ́ɔn lɛn min duu fù lui. Ka á re kaa zɔ́ɔn lɛn dii, ka ǹ kaa tán.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 20:3

A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa.

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Timəə dí-pɛn 28:7

Bɛ̀ kaa zɔ́ɔn nə́ yoo ka gialaa, Dɛnaa Lawa á re toɛ ka boo ǹ la. Bɛ̀ ǹ nə́ kɔ zii goon lɛ ǹ nə́ daa ka gialaa, ǹ tá re sasawɛɛ ǹ zii sɔbaa saa, ǹ nə́ baa sii ka nyɛɛnɛ.

Timəə dí-pɛn 3:22

Ka baran nyɛ́ɛ baa ǹ nɛ wa. A giala kaa Lawa, Dɛnaa Lawa lɛ, a din nə zia diɛ kaa lɛa.»

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 23:11

Bɛ lɛ nɛ, ka n yiri koa ka dinin li taãn-taãnɛ, ka kaa Lawa, Dɛnaa Lawa lɛ narɛ.

Zozoe 23:3

Dɛnaa Lawa lɛ, kaa Lawa lɛa, bɛ sii mɛn tumaa zɛnaa tɔrɔn kɔsɔn kɛn lɛn nɛ kaa lɛa, ka dininmaan bɛ́ ka a tumaa yɛ. A giala, Dɛnaa Lawa lɛ, kaa Lawa lɛa, a din na á yɔ bɔ kaa lɛa.

Sii yɔrɔ-bɔlen 15:15

Dundun mɛn bɛ́, a dɛ ná a tɔn belebɔ wa, Sansɔn bɛ pàãgɔn we yɛ tán. Á n gɔn dia á saa, á giĩ duu goon (1 000) dɛ nɛ.

Sii yɔrɔ-bɔlen 3:31

Ewuudu kio na á n baa Anaati a nɛgiĩ Sangaara lɛa. Asɛ na á Filisiti minin lɛn giĩ biɛsɔrɔ dɛ ka diin lɛduə ǹ bàlà nɛ. A dɔ́ Izirayeli minin lɛn kirisibaa.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»