Zozoe 22:31 - LAWA A BOO SONBORE

³¹ Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»

LAWA A BOO SONBORE 2011

³¹ Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»

Zozoe 22:31 Iomraidhean Croise

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Ɛsidrasi 7:5

Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Loen 68:17

Basan kele! Nsɛ mɛn mìi bɛ́ gigiã, wàa na á baa, n tá miã goã boe kele kɔsɔ kɛ ganaa, Lawa din bɔ, mà asɛ n giɛ̃ la? Hiĩ Dɛnaa Lawa n die giɛ̃ la, yǎa duduu.

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Korɛnti1 14:25

Sii-durii mɛn bɛ́ a foo ne, bɛ á re yii kanaa. Á re n mìi kumii tán, a Lawa guguru kɔ, a pɛ: «Lawa á ka bii taãn-taãnɛ.»

Zozoe 22:30

Zaman lɛ a nyɛɛnaandɛnan nɛ, Izirayeli tɔrɔn lɛn tumaa a tanlɛ minin kiãn nɛ, bɛn nə́ goã kun ka Lawa a wúlu-bɔle Pineyasi ni. Pineyasi laanka bɛn bɛ́ ǹ nə́ Urubɛn tɔrɔn lɛ ma bɛa boon lɛn diɛ kun ka Gaadi tɔrɔn laanka Manaasee tɔrɔn nɛ, á kaa ǹ foo la.

Zozoe 22:32

Lawa a wúlu-bɔle Eleyazaara a nɛgiĩ Pineyasi laanka nyɛɛnaandɛnan lɛn nə́ zii nyankɔ Urubɛn tɔrɔn laanka Gaadi tɔrɔn lɛn la Galaati gána nɛ, ǹ nə́ wusoo ǹ nə́ daa Izirayeli minin lɛn li Kanaan gána nɛ, ǹ nə́ boo lɛ yɔrɔ pɛ ǹ nɛ.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.