Zozoe 22:28 - LAWA A BOO SONBORE

²⁸ Wɔ n wɔ́ pɛ, bɛ̀ ka lɛ dɔ bɛa boo lɛ ganaa ǹ mɛn pinaa, ká pɛ wɔ laanka wɔa nɛnyaanan manɛ, wɔ á re pii ka-n kɛnɛn: «Ka ga, wɔsɛn digolon man nə́ wúlu bɔ ǹ bǎã kɛ dɔ ka Dɛnaa Lawa din wɔ kɛ bɛ́ lɔn. Wúlu màn tiɛ̃ hinlaa wulu màn kɔsɔn lɛa bie wa. Sɛnɛ, a n wɔ bii siére lɛa.»

LAWA A BOO SONBORE 2011

²⁸ Wɔ n wɔ́ pɛ, bɛ̀ ka lɛ dɔ bɛa boo lɛ ganaa ǹ mɛn pinaa, ká pɛ wɔ laanka wɔa nɛnyaanan manɛ, wɔ á re pii ka-n kɛnɛn: «Ka ga, wɔsɛn digolon man nə́ wúlu bɔ ǹ bǎã kɛ dɔ ka Dɛnaa Lawa din wɔ kɛ bɛ́ lɔn. Wúlu màn tiɛ̃ hinlaa wulu màn kɔsɔn lɛa bie wa. Sɛnɛ, a n wɔ bii siére lɛa.»

Zozoe 22:28 Iomraidhean Croise

Siin Giala 31:48

Laban tɔ́n pɛ: «Kɔlɔ dakɔnla kɛ n siére lɛa pelo, wɔsɛn min paa bii ni. Bɛ lɛ na á toa, ǹ nə́ bíi Galɛɛdi bɛ giala mà "Siére a kɔlɔ dakɔnla".»

Kiin2 16:10

Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

Bɔ bɛ̀rɛbaa nɛ 25:40

Muizu, toa n màn lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.

Izayii 19:19

Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Zozoe 22:27

Sɛnɛ, wɔ n wɔ́ dɔ siére lɛa, a n wɔ laanka kasɛn bii, wɔsɛn tɔrɔn bii, nyɛɛ mà Dɛnaa Lawa din a dí ni wɔsɛn dɔn nə́ nyɛɛ, ka wɔa wúlu màn tiɛ̃n nɛ, ka wɔa barka da ǹ wúlu mànan nɛ, ka wúlu màn tɔrɔ kɔsɔn dɔn nɛ. Wɔ n wɔ́ zɛnaa miɛ̃, màn mɛn bɛ́ toɛ, kaa nɛnyaanan baran pɛ wɔsɛn wɔn man biɛ̃ mà ǹ wɔ gii ba Dɛnaa Lawa a sii kɔn nɛ wa.

Zozoe 22:29

Wɔ bie wɔ́ wúlu bɔ ǹ bǎã kɛ dɔ wúlu màn tiɛ̃ a lɛa wa. Wɔ bie re Lawa gɔ ǹ wúlu laanka wúlu tɔrɔ kɔsɔn boe la wa. Wɔ bie wɔ́ dɔ wɔ́ n die n piɛ̃ ka Dɛnaa Lawa nɛ, wɔ n wusii n boe a kio wa. Bɛa taasiɛ ba wɔsɛn yiri-n duduu wa. Bɛ̀ á n bɔ Dɛnaa Lawa din a wúlu bɔ ǹ bǎã kɛ nɛ a giã ǹ bǎã sonbore kɛ yɔrɔ-a, wɔsɛn ba li wɔ wúlu bɔ bǎã kɔsɔ-n wa.

Zozoe 24:27

Zozoe tɔ́n pɛ zaman lɛ tumaa-n kɛnɛn: «Á ke, kɔlɔ kɛ n die goɛ̃ siére lɛa wɔsɛn yɔrɔ-a, a giala, Dɛnaa Lawa boo mɛn tumaa da wɔ nɛ, a ná a tumaa ma. A n die goɛ̃ siére lɛa ka yɔrɔ-a, màn mɛn bɛ́ toɛ, ka baran n piã ka Lawa-n wa.»