Zozoe 22:22 - LAWA A BOO SONBORE

²² – Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.

LAWA A BOO SONBORE 2011

²² – Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.

Zozoe 22:22 Iomraidhean Croise

Kiin1 8:39

n too kɔ ǹ lon kəni n giã ǹ bǎã lɛ-n lon. Ǹ zɛ̀rɛn toa ǹ nɛ, n nə n dɔ ǹ lɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

Zɔbu 10:7

N din dɔ n doɛ̃, mà ma sii la wa, min kɔn dɔ din ba re yii, a ma si n la wa.

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Zɔbu 31:22

ma nyàa na a n bɔ ma ganaa, ma gɔn na a n bɔ ma ganaa.

Loen 136:2

Ka barka da lawan Lawa nɛ, a kɔn-narɛɛ a nyɛɛ duduu wa.

Loen 37:6

Ǹ kɔn pinaa, á re n peperebaa nyɛɛ foaãnɛ, ka wɔlɔ bɛ́ fúli baayɛlɛ lɔn, á re sonbore koe n la, minin nə yɛ ka wasa bɛ́ lɔn penleen tiɛɛ̃n nɛ.

Loen 40:9

man die die, man foo sii zɛnaa a kɔnpɛ ka bɛ nɛ. Maa Lawa, ma tá li ma n dí-pɛ kɛ tamaa ma foo ne.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Loen 44:22

bɛ̀ n tá re foɛ̃ a ganaa ya? N din lɛ n minin gɔ́ɔ̃gɔ́ɔ̃ ǹ taasiɛ doɛ̃.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Loen 82:1

Asaafu a loe goon ne. Lawa yoo á golee, a dí-nyalin kɛn bii, a na á golee lon mànan bii, a n die kiri kuri:

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «ZAÃ a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Nya ǹ dín 25:11

Bɛ̀ ma zɛ̀rɛ-n sonbore, bɛ̀ má sii la sonbore, sii mɛn bɛ́ gɛ̀ dɔlɔ boe ka bɛ da ma mìi ni, ma ba n piɛ̃ ka gɛ̀-n wa. Sɛnɛ, minin kɛn bɛ́ masɛ zɛ̀rɛ biɛ ka siin mɛnɛn nɛ, bɛ̀ ǹ ba sonbore lɛa wa, min kɔ́n doamaa bie a ma kɔ ǹ la wa. Bɛ lɛ taman yii, man giɛ li Rɔmu a kii gole gole lɛ sii kɛ lɛ a yɔrɔ-bɔle baa.»

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Korɛnti2 11:31

Barka tá Dɛnaa Yezu ǹ Di Lawa ganaa yǎa duduu! A din tá doɛ̃ mà ma a soɛ boe wa.

Korɛnti2 5:11

Ma bɛ́ nyɛ́ɛ baa Dɛnaa-n giala doɛ̃, bɛ lɛ-n ma á n doɛ máa minbuiin tumaa dɔ̃. Lawa á ma doɛ̃ ka peren-peren. Ma á taasɛ máa ka dɔn dinin gɔ́ɔ̃ nɛ, ka á masɛ doɛ̃ miɛ̃ peren-peren.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Zozoe 22:21

Urubɛn tɔrɔn laanka Gaadi tɔrɔn nɛ, ka Manaasee tɔrɔn kɛn talɛɛ nɛ, bɛn nə́ Izirayeli tɔrɔn lɛn tumaa a tanlɛ minin kiãn lɛ si, ǹ nə́ pɛ ǹ nɛ:

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.