Zozoe 22:15 - LAWA A BOO SONBORE

¹⁵ Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

LAWA A BOO SONBORE 2011

¹⁵ Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Zozoe 22:15 Iomraidhean Croise

KZS1 21:3

Zoabu tɔ́n pɛ nɛ: «Dɛnaa Lawa die a na a zaman lɛ mɔnaa gunyin paabiɛ. Dɛnaa maa kii, ǹ tumaa bie n din wɔ lɛa ǹ nə́ dí nyɛɛ ǹ nɛ wa ya? A n siɛ lɔn n tá zoɛ̃ bɛ li. Wàa na á baa n tá siɛ̃ diɛ Izirayeli mìi ni.»

KZS2 10:19

Bɛ lɛ nɛ, Izirayeli minin nə́ n piã ka Davida a kion minin ni a da pelo yaa.

KZS2 25:27

A kũ Amasiya a kanaa Dɛnaa Lawa kio kɛ waáraa ganaa, minin tɛnɛn nə́ boo wɔ kɔn a ganaa Zeruzalɛmu. Á baa si á woo Lakiisi, sɛnɛ, minin ná a basa bɔ ǹ nə́ woo dɛ bɛa kiwi lɛ nɛ.

KZS2 26:18

Ǹ nə́ n doa a nyɛɛnɛ, ǹ nə́ pɛ nɛ: «Wɔa kii, n dinmaa doamaa bie n màn gìĩ kɔɔ̃n kɔ Dɛnaa Lawa la wa. Lawa a wúlu-bɔlen kɛn Aarɔn tɔrɔn lɛa, ǹ nə ǹ mɛnɛn bɔ ǹ nə́ ǹ koa, bɛn dininsɔɔ̃nɔn nyan-di ni. Soo n nə n bɔ Lawa a kion kɛ nɛ! Sii baraa n ka kɛ nɛ n zɛnaa. Dɛnaa Lawa yɔrɔ-a, kɛ a nya ǹ dí sonbore lɛa wa.»

KZS2 28:13

Ǹ nə́ pɛ ǹ nɛ: «Ka baran da ka kòso nɛn kɛn nɛ kànaa wa. Ka n die wɔ biɛ zɛ̀rɛ gole dɛnan lɛa Dɛnaa Lawa yɔrɔ-a. Ka ǹ li mà ka màn da wɔa sii baraan laanka wɔa sãn li? A da yaa dɔn, wɔ zɛ̀rɛ nɛ, Dɛnaa Lawa foo n yoo wɔ li parasii ni wɔsɛn Izirayeli minin.»

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Ɛsidrasi 9:2

A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Lawa a wúlu-bɔlen 26:40

Ǹ dinin tá re golee ǹ laanka ǹ digolon lɛn sii baraan li, ǹ bɔ ǹ lɛ-n ǹ pɛ, mà ǹsɛn nə́ sã masɛ ganaa, ǹ nə́ yɔ bɔ masɛ ganaa.

Lawa a wúlu-bɔlen 5:19

Zɛ̀rɛ si ǹ wúlu màn nɛ. A giala, ǹ dɛnaa lɛ na á sii la Dɛnaa Lawa la a giala yii li.

Minin nimi 14:43

Amalɛki tɔrɔn laanka Kanaan minin tá walan ka nyɛɛnɛ, zia tá re ka bii bɛn gɔn. A giala, ka n paǹ kɔ Dɛnaa Lawa nɛ. Dɛnaa Lawa ba re goɛ̃ kun ka-n wa.»

Minin nimi 32:15

Sonbore, bɛ̀ ka kanaa ka n bɔ Dɛnaa Lawa kio, a n die wusii a toa Izirayeli minin nə belebɔ diə gole lɛ nɛ. Bɛa yɔrɔ lɛ la, ka n die zaman kɛ lɛ tumaa bɔ̀n biɛ.

Minin nimi 5:6

«A pɛ Izirayeli minin lɛn nɛ, bɛ̀ giĩ hinlaa lɔ bɔlɔgoonbaãdɛnaabaa ǹ sii zɛnaa Dɛnaa Lawa nɛ, á wɔ ǹ miã kɔsɔ lon, ǹ dɛnaa zɛ̀rɛ nɛ.

Matiə 18:17

Bɛ̀ á n piã a n too kɔ bɛn lon wa, n pɛ kaa Lawa a sɔmɔ minin manɛ. Bɛ̀ á n piã a n too kɔ Lawa a sɔmɔ minin dɔn dininmaan lon wa, ga a ganaa golee Lawa li baãnaa hinlaa wusuru-sili lɛa, n baran da sii li wa.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti1 5:4

Ka n lɛ sɔkɔn ka Dɛnaa Yezu pàã nɛ, ma yiri bɛ́ re goɛ̃ kun ka nɛ, ka Dɛnaa Yezu *Krita tɔ nɛ,

Timəə dí-pɛn 30:17

Sɛnɛ, bɛ̀ kaa taasiɛ nə́ n bɔyaa, bɛ̀ ka n too kɔ wa, bɛ̀ ká toa minin nə́ ka kaa lawa kɔsɔn guguru kɔ ganaa, yǎa ka dí nya bɛn manɛ,

Timəə dí-pɛn 7:4

Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Zozoe 22:12

Izirayeli minin lɛn bɛ́ ǹ nə́ bɛ ma lɔn gɔrɔ, ǹ tumaa nə́ n lɛ sɔkɔn Siiloo mà maǹ woe ǹ gialaa.

Zozoe 22:14

Ǹ nə́ kiã fù dɔ dia kun ni, kiã goon, tɔrɔ gogoonmaa wɔ lɛa. Izirayeli tɔrɔn lɛn tumaa a tanlɛ minin kiãn man ka bɛn nɛ.

Zozoe 22:16

«Dɛnaa Lawa a zaman tumaa na á wɔsɛn dia, mà wɔ da pɛ ka nɛ mà wàa mɛn bɔlɔ wurumudɛnan sii n ke, ká zɛnaa Izirayeli a Lawa nɛ. Mà wàa na á baa ka tá n niɛ n boe Dɛnaa Lawa ganaa pelo, ka n kiɛ̃ woe wúlu bɔ ǹ bǎã kɔsɔ doe, ka nə n piɛ̃ ka Dɛnaa Lawa nɛ?

Zozoe 22:18

Kasɛn dɔn bɛ́ yui n niɛ n boe Dɛnaa Lawa ganaa pelo, ka nə́ n piɛ̃, biɛ̃ biɛ̃, a foo n die yui wɔsɛn Izirayeli zaman kɛ tumaa li.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»