Zozoe 21:8 - LAWA A BOO SONBORE

⁸ Dɛnaa Lawa goã á pɛ Muizu-n lɔn, Izirayeli minin lɛn man nə́ n pã, ǹ nə́ tɔ́n bɛa kiwin lɛn laanka ǹ lɛkoro lɛ-a bǎãn kɔ Levii tɔrɔn lɛn la.

LAWA A BOO SONBORE 2011

⁸ Dɛnaa Lawa goã á pɛ Muizu-n lɔn, Izirayeli minin lɛn man nə́ n pã, ǹ nə́ tɔ́n bɛa kiwin lɛn laanka ǹ lɛkoro lɛ-a bǎãn kɔ Levii tɔrɔn lɛn la.

Zozoe 21:8 Iomraidhean Croise

Siin Giala 49:5

Simiɔn laanka Levii n dan nɛn lɛa, manə n lɛ kiɛ kun, bɛ̀ ǹ kakaarɛbaa ǹ siin zɛnaa.

Siin Giala 49:7

Ǹ foo golebaa lɛ, ǹ tá re a koen goɛ. A giala, ǹ tá kakaarɛ á la yii ni. Ǹ sii zɛnaa a là diɛ kɛ lɛ, ǹ tá re a koen goɛ, a giala, mà makara ba ǹ lon wa. Ma á re ǹ tɔrɔn niniɛ, ma ǹ bɔ kɔn Izirayeli gána nɛ. Ma á re ǹ sasawɛɛ, ma ǹ bɔ kɔn gána lɛ gɔ́ɔ̃ nɛ.

Suusun 16:33

Minin tá boe la ǹ nə n pã, sɛnɛ, Dɛnaa Lawa na a tumaa yɔrɔ boe.

Suusun 18:18

Maǹ nə n piɛ̃ bɛ̀ ǹ zia nya pàãdɛnan bii ni.

Minin nimi 32:2

Bɛ lɛ n ke, ǹ nə́ woo Muizu laanka Lawa a wúlu-bɔle Eleyazaara li, ka zaman lɛ a nyɛɛnaandɛnan nɛ, ǹ nə́ pɛ ǹ nɛ:

Minin nimi 33:54

Ka die ka n pã ka gána lɛ gii kaa tanlɛn manɛ. Bɛ̀ tanlɛ lɛ mɛn tá gole, ka bɛ wɔ gii baa gole. Bɛ̀ tanlɛ lɛ mɛn ba tɛ wa, ka bɛ wɔ gii baa boɛɛnɛ. Bɛ̀ ka n pã, yǎa a mɛnaa bǎã mɛn la min mɛn wɔ lɛa, bɛa dɛnaa a bǎã lɛ n goɛ̃ walan. Ka die ka bǎã lɛ gii ka dinin di tɔrɔn biin ni.

Minin nimi 35:3

Bɛa kiwin kɛn lɛn tá re Levii tɔrɔn lɛn giã ǹ bǎãn biɛ, kiwin lɛn lɛkoro lɛ-a bǎãn kɛn nə goã ǹ tɔɔn laanka ǹ gɔn mànan wɔ lɛa, ka ǹ tɔɔ màn tumaa nɛ.

Zozoe 18:6

Kasɛn kɛn nə bǎã sɔbaa lɛ gèlè kiɛ̃, ka die ka da kɔ ma la kànaa. Masɛ á die n piɛ̃ ǹ ganaa Dɛnaa Lawa yɔrɔ-a, wɔa Lawa lɛ, màn mɛn bɛ́ toɛ tɔrɔ gogoonmaa na a wɔ gii dɔ̃.

Zozoe 21:3

Bǎãn mɛnɛn nə dɔ Izirayeli minin lɛn ganaa, ǹ dinin nə́ kiwin kɔnɔn bɔ bɛn lɛn nɛ, ka ǹ lɛkoro lɛ-a bǎãn nɛ, ǹ nə́ ǹ kɔ Levii tɔrɔn lɛn la, ka Dɛnaa Lawa goã á pɛ lɔn.

Zozoe 21:7

Merari a tanlɛ minin kɛn man nə́ kiwi fulupaa yɛ Urubɛn tɔrɔn li, ǹ nə́ ǹ kɔn yɛ Gaadi tɔrɔn laanka Zabulɔn wɔn li.

Zozoe 21:9

Ǹ kiwin mɛnɛn kɔ ǹ la, ǹ tɛn nə Zudaa tɔrɔn bǎã nɛ, ǹ tɛn nə Simiɔn tɔrɔn bǎã nɛ. Bɛa kiwin kɛn lɛn ǹ tɔ á re n pii,