Zozoe 21:43 - LAWA A BOO SONBORE

⁴³ Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

LAWA A BOO SONBORE 2011

⁴³ Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 21:43 Iomraidhean Croise

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

KZS2 20:8

Ǹ nə́ giã walan, ǹ nə́ Lawa a kion dɔ n wɔ lɛa ǹ nə́ pɛ:

Nehemii 9:24

Ǹ nɛnyaanan lɛn nə́ wɔ gána lɛ nɛ, ǹ nə́ si ǹ baa ǹ wɔ lɛa. Kaanaa minin kɛn, gána lɛ a minin lɛa, ń bɛn puusə kɔ ǹ nyɛɛnɛ, ń nə́ ǹ wɔ ǹ gɔn, kɔnlɛ ka ǹ kiin ni, ka tɔrɔn mɛnɛn bɛ́ gána lɛ nɛ, màn mɛn bɛ́ toɛ, bɛ̀ sii mɛn dɔ nɛnyaanan lɛn yii li, ǹ bɛ zɛnaa ǹ nɛ.

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Loen 105:8

A nə n yiri koɛ a lɛ kɔ kɔn la kɛ-n biikoo tumaa li. A yiri a boe a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Minin nimi 33:53

Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

Minin nimi 34:2

mà a boo da Izirayeli minin lɛn nɛ, a pɛ ǹ nɛ: «Bɛ̀ ka wɔ Kanaan gána lɛ nɛ, bǎã lɛ a kɛ n die kaawɔ biɛ, a n lɛ doa ka gèlèn kɛn nɛ:

Timəə dí-pɛn 11:31

Kaa Lawa, Dɛnaa Lawa bɛ́ gána mɛn lɛ koe ka la, ka á re Zurdɛ̃ tà kuri, ka kiɛ̃ ka kaa a nɛ, ka si ka baa kaa wɔ lɛa. Á re kaa wɔ biɛ, ka á re giɛ̃ a nɛ.

Timəə dí-pɛn 12:29

Ka bɛ́ woe bǎã mɛn lɛ nɛ, tɔrɔn mɛnɛn bɛ́ giã-n walan ka n die ǹ lui, kaa Lawa, Dɛnaa Lawa á die ǹ dii a ǹ bɔ ka nyɛɛnɛ. Ka á re ǹ gána lɛ sii ǹ la, ka giã a nɛ.

Timəə dí-pɛn 17:14

Bɛ̀ ká wɔ gána lɛ nɛ ǹ mɛn waáraa, kɛ lɛ kaa Lawa, Dɛnaa Lawa n koe ka la, bɛ̀ ká si ká baa kaa wɔ lɛa yǎa ka giã a nɛ, kɔntan ka á re pii ǹ kɔn pinaa mà kasɛn man giɛ li ka kii koa ka dinin mìi la, ka tɔrɔ kɔsɔn kɛn tumaa wɔ bɛ́ lɔn ka lɛnpɛnɛ.

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 21:42

Bɛa kiwin lɛn gogoonmaa laanka a lɛkoro lɛ-a bǎãn manɛ. Bɛa kiwin lɛn tumaa na á goã miɛ̃.

Sii yɔrɔ-bɔlen 11:24

N lawa Kemɔɔsi kɛ bɛ́ á màn mɛn kɔ n la, bɛ ba n gɔn wa? Dɛnaa Lawa mɛn bɛ́ wɔsɛn Lawa lɛa, bɛ̀ bɛ́ màn mɛn tumaa kɔ wɔsɛn la, bɛa goɛ̃ wɔsɛn gɔn wa?

Samayeli1 12:8

Zakɔba bɛ́ á dɔ Ezipti gána nɛ, ka digolon lɛn bɛ́ nɔmaa gɔ́ɔ̃ nɛ, ǹ nə́ n lɛ dɛ Dɛnaa Lawa ganaa. Dɛnaa Lawa tɔ́n Muizu laanka Aarɔn dia ǹ nə́ ka digolon lɛn waa Ezipti gána nɛ, ǹ nə́ soo ǹ ne, ǹ nə́ daa ǹ kaa tán kɛ lɛ la kanaa.