Zozoe 2:9 - LAWA A BOO SONBORE

⁹ á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

LAWA A BOO SONBORE 2011

⁹ á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Zozoe 2:9 Iomraidhean Croise

Siin Giala 35:5

Ǹ bɛ́ ǹ nə́ soo, ǹ nə́ n bɔ bǎã lɛ nɛ, Lawa nyɛ́ɛ tɔrɔ kɔ́n da lɛkoro lɛ-a kiwi minin ganaa. Min kɔ́n yii wɔ, á Zakɔba a nɛnyaanan lɛn kio loo wa.

Samayeli2 17:10

Bɛ̀ á n baa miɛ̃ dɔn, haalɛ ta zia-baali lɛ mɛn foo n tã ka yàra wɔ bɛ́ lɔn, nyɛ́ɛ á re a dɔ kuĩ. A giala, Izirayeli min tumaa á doɛ̃, mà n di lɛ n giĩ lɛa, a tá-kun wolen lɛn dɔn man zia-baalin lɛa, ǹ tɔ bɔ zia la.

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

Kiin2 7:6

Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

Nehemii 6:16

Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Zɔbu 19:25

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.

Loen 112:10

Min baraa n die yii, a n lɛ məə li, a n die n lɛ sɔ̃sɔ̃ li, a fɔ̃. A gɔ́ɔ̃gɔ́ɔ̃ ǹ sii tumaa n kooro biɛ.

Loen 115:16

Lon nə Dɛnaa Lawa wɔ lɛa. Sɛnɛ, tán ke, a na á bɛ kɔ minbuiin nɛn la.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 23:27

«Ma á re ma din pàã kɛ diɛ ka nyɛɛnɛ. Ka bɛ́ re doe tɔrɔn mɛnɛn tumaa li, ma á re nyɛ́ɛ diɛ bɛn ganaa, ma ǹ lɔlɔkɔn, ka boo la, ka kaa zɔ́ɔn tumaa dɔ̀ɔ̃ koe yɛ, baa sii woe.

Boo-laakalaali 8:12

Min baraa á boe la, a sii baraa zɛnaa gunyin damata, a yii dɔ n tɔn koo kiɛ̃. Sɛnɛ, ma á doɛ̃, máa nyɛ́ɛ baa Lawa yii-n wolen wɔ á die bǐɛ̃ koe. A giala mà ǹ tá nyɛ́ɛ biɛ Lawa yii ni.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 23:5

Bɛ̀ Ezipti boon kɛn ma, a gɔ̀nɔn tá re bìn diɛ ka a bɛ́ á boo mɛn ma Tiiri a paǹ li lɔn.

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Nahumu 2:10

Ka sana kokoo, ka wɔrɔ kokoo! Ninivu a paãmabaa a nyɛɛ wa. A gɔn màn giɔ̀mɔ kakaan nə la yii ni.

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Minin nimi 20:24

«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ.

Matiə 20:15

Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Timəə dí-pɛn 11:25

Min kɔn din ba re boe la a golee ka nyɛɛnɛ a yɔ bɔ ka-a wa. Ka bɛ́ re boe gána lɛ a bǎã mɛn tumaa nɛ, kaa Lawa, Dɛnaa Lawa á re nyɛ́ɛ laanka foo biɛ na kiɛ minin ganaa ka kaa sii ni, ka a bɛ́ á pɛ ka-n lɔn.

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»

Timəə dí-pɛn 28:10

Tɔrɔn mɛnɛn bɛ́ gána lɛ nɛ, ǹ tumaa á re doɛ̃, mà ka n Dɛnaa Lawa wɔn lɛa, ǹ tá re nyɛ́ɛ biɛ ka nɛ.

Timəə dí-pɛn 32:8

Lon a Lawa bɛ́ minbuiinin niniɛ kɔn, a bɛ́ bǎã tatalɛ koe tɔrɔn la, a n gèlè koɛ tɔrɔn bii, á n yiri koa Izirayeli minin dɔn li.

Ebrəə 11:31

Golee Lawa li na á toa, Rahabu, lɔ kɔrɔ kɛ lɛ bɔ̀n baa kun ka Lawa bɔlɔ-tiilin ni wa. A giala, á duru a ga gána ganaa wolen kɛn lɛn kũ doɛ̃.

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 2:8

Minin lɛn sɛn laan bɛ̀ maǹ wɛɛ tán, Rahabu dii á woo ǹ li kala lɛ la,

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Zozoe 6:2

Dɛnaa Lawa tɔ́n pɛ Zozoe ne: «Ga, má Zerikoo kiwi lɛ wɔ n gɔn, a kii kɛ nɛ, ká a zia-baali foo tãnaan kɛn nɛ.

Zozoe 9:10

Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.

Zozoe 9:24

Ǹ nə́ tɔ́n Zozoe lɛ si ǹ nə́ pɛ nɛ: «Ǹ tá goɛ̃ bɛ̀ ǹ pɛ wɔsɛn man foaã nɛ mà Dɛnaa Lawa lɛ, n Lawa lɛa, mà bɛ na á goã á pɛ a dí-nyali Muizu ni, mà asɛ á re gána lɛ tumaa koe ka la, mà ka die ka gána lɛ a minin tumaa dɛ, ka ǹ bɔ ka nyɛɛnɛ. Bɛ lɛ na á nyɛ́ɛ gole da wɔsɛn ganaa. Bɛ lɛ na á toa wɔ́ zɛnaa kɛnɛn, wɔ́ ga wɔ dinin nyin li.

Zozoe 9:9

Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,

Sii yɔrɔ-bɔlen 7:14

Ǹ miã lɛ ná a lɛ si á pɛ nɛ: «Kɛ bie sii kɔsɔ giala pii wa. Izirayeli min Zoasi a nɛgiĩ Zediɔ̃ a ziabaa ǹ gɔya sa kɛ a sii ni. Lawa Madiã minin lɛn laanka ǹ zia-baalin tumaa wɔ a gɔn dɔn.»