Zozoe 2:24 - LAWA A BOO SONBORE

²⁴ Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

LAWA A BOO SONBORE 2011

²⁴ Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 2:24 Iomraidhean Croise

Bɔ bɛ̀rɛbaa nɛ 15:15

Nyɛ́ɛ á re Edɔmu a kiin kuĩ gɔrɔ. Moabu a goledɛnan dɔn gɔ̀nɔn tá re bìn diɛ gɔrɔ. Kanaan gána din a minin gù á re giɛ̃ gɔrɔ.

Bɔ bɛ̀rɛbaa nɛ 23:31

Kaa gána lɛ a golebaa n die boe Sawɛɛ tà kɛ ganaa, a wo Filisiti minin tà gole kɛ yaa, a bɔ Sinayii don kɛ dɔ ganaa, a wo Efrati tà kɛ yaa. Bɛ̀ masɛ gána lɛ a minin kɔ ka la ǹ mɛn waáraa, ka ǹ loo, ka ǹ bɔ ka nyɛɛnɛ,

Suusun 25:13

La bɛ́ wɔlɔ nyɛɛ lɔn tɛ̀fuu waáraa, dia dí-a wole bɔlɔgoondɛnaa n pàã koe a mìilandɛnaa la miɛ̃.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

Zozoe 2:23

Bɛ kio, giĩ min paa lɛ soo ǹ duru ǹ bǎã nɛ, ǹ nə́ gisĩ ǹ nə́ n bɔ kelen lɛn la. Ǹ nə́ Zurdɛ̃ tà kuru, ǹ nə́ daa Nunu a nɛgiĩ Zozoe li. Sii mɛn tumaa nə ǹ yɛ, ǹ nə́ bɛ laakalaa nɛ.

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Zozoe 6:2

Dɛnaa Lawa tɔ́n pɛ Zozoe ne: «Ga, má Zerikoo kiwi lɛ wɔ n gɔn, a kii kɛ nɛ, ká a zia-baali foo tãnaan kɛn nɛ.

Zozoe 8:1

Dɛnaa Lawa pɛ Zozoe ne: «N baran nyɛ́ɛ baa wa, n foo baran biɛ na wa. Zia-baali zaman lɛ tumaa bii n nə ǹ kaa kun ka n din ni, n yoo n wo Ayii minin lɛn gialaa. Á ke, má Ayii kiwi a kii kɛ wɔ n gɔn, a zaman nɛ, kiwi lɛ din ni, ka a bǎã tumaa nɛ.

Sii yɔrɔ-bɔlen 1:2

Dɛnaa Lawa nə́ ǹ lɛ si á pɛ: «Zudaa tɔrɔ minin man die woe. Á ke, má gána lɛ wɔ ǹ gɔn.»

Sii yɔrɔ-bɔlen 18:10

Bɛ̀ ká wɔ gána lɛ nɛ ǹ mɛn waáraa, ka á re woe a minin yiɛ yii-nyɛɛ gɔ́ɔ̃ nɛ. Gána lɛ á gole a paǹ tumaa li, Lawa wɔ ka gɔn. Màn mɛn tumaa bɛ́ tán la, bɛ kɔn wɛɛ̃ ba bɛa bǎã kɛ lɛ-n wa.»

Sii yɔrɔ-bɔlen 7:9

Bɛa tèlò kɛ lɛ nɛ, Dɛnaa Lawa pɛ Zediɔ̃ nɛ: «Yoo n wo Madiã minin lɛn gialaa. A giala, masɛ nə́ ǹ wɔ n gɔn.